Барак Обама маъмуриятида АҚШ давлат котиби лавозимини эгаллаган Жон Керри Вашингтондаги Карнеги жамғармасида мутахассис бўлиб ишлайдиган бўлди. Бу ҳақда жамғарма президенти Уильям Бернс маълум қилди, деб хабар бермоқда РИА “Новости” ахборот агентлиги.  

"Жон Керрининг бутун дунёда тинчлик ўрнатишга содиқлиги Карнеги жамғармаси миссиясига жавоб беради", деб айтди Бернс. Унинг айтишича, Керрининг тажрибаси "айни вақтда ҳар доимгидан кўра зарурроқдир". 

Собиқ давлат котибининг фаолияти атроф-муҳит соҳасида низоларни ҳал қилиш ва халқаро чақириқлар билан боғлиқ бўлади.

Таъкидланишича, Бернс ўз вақтида Керри қўл остида унинг ўринбосари лавозимида ишлаган.

Аввалроқ Керри кейинги академик йилдан бошлаб Йел университетидаги таълим дастурини назорат қилиши маълум қилинганди.