2 mart kuni Andijon viloyati hokimi, Oliy Majlis Senatining a'zosi Shuhratbek Abdurahmonov Andijon shahridagi Oxunboboyev va Andijon tumanidagi "Chem" mahallalari aholisi bilan ochiq muloqot o‘tkazdi.
Samimiy ruhda o‘tgan uchrashuvlarda viloyat hokimi aholi vakillari tomonidan berilgan ko‘plab savollarga javob berdi. Muloqot davomida mavjud ichki yo‘llarni asfaltlash, transport xizmatini yaxshilash, maishiy xizmat ko‘rsatish shoxobchalari barpo etish, aholi tomorqasidan samarali foydalanish va tadbirkorlikni qo‘llab-quvvatlash kabi qator masalalar atroflicha ko‘rib chiqildi.
Xakan qishlog‘i "Chem" mahallasida bo‘lib o‘tgan yig‘ilishda hududdagi 788 ta xonadon vakillari ishtirok etib, mavjud tomorqadan unumli foydalanish, imtiyozli kredit asosida limon yetishtirish va parrandachilikni yo‘lga quyish masalalariga alohida to‘xtalib o‘tildi. Yig‘ilishda oilaviy tadbirkorlikni rivojlantirish uchun tijorat banklari tomonidan beriladigan imtiyozli kreditlarni rasmiylashtirish bo‘yicha savollarga soha mutasaddilari atroflicha tushuncha berib o‘tishdi.
Elmurod Ermatov, Andijon
