Япониянинг Айти префектурасида электропоезд рельслардан чиқиб кетди, бир киши ҳалок бўлди, деб хабар бермоқда NHK телекомпанияси.

Андзе шаҳридаги темир йўл кесишмасида поезд енгил автомобиль билан тўқнашган. Биринчи вагон рельслардан чиқиб кетди: автомобиль зарба оқибатида электр узатиш тизими устунига келиб урилган ҳамда ёниб кетган. Автомобиль ҳайдовчиси ҳалок бўлди.

Электропоезд машинистининг маълум қилишича, йўлда автомобилни тўсиқ пастга туширилгандан сўнг кўрган, бироқ тўхташга улгурмаган.

Ҳалокат рўй берган ҳудудда ҳаракат тўхтатилди. Полиция ва ўт ўчириш хизмати воқеа сабабларини ўрганмоқда. Темир йўл компанияси рельслардан чиқиб кетган поезд таркибини эвакуация қилиш бўйича иш олиб бормоқда.