Оқ уйнинг ички ҳисоботи КХДР томонидан ядро таҳдидини йўқотиш учун ҳарбий куч ишлатилиши ёки режимни ўзгартириш эҳтимолини ўз ичига олган. Бу ҳақда Fox News хабар бермоқда.

Телеканалнинг таъкидлашича, Оқ уй ҳисоботининг чиқарилиши Осиё минтақасидаги ҳарбий вазиятнинг кескинлашиши билан боғлиқ. Хусусан, Шимолий Корея томонидан февраль ойи бошида баллистик ракета учирилиши ҳамда КХДР етакчисининг ўгай акаси Ким Чен Намнинг ўлдирилиши тилга олинган.

Эслатиб ўтамиз, Қўшма Штатлар раҳбари КХДРни ўз мамлакати учун асосий таҳдид деб атади, шунингдек мамлакат етакчиси Ким Чен Ин ақлдан озган бўлиши мумкинлигини ҳам маълум қилди.