“Операция” барбод бўлди

Жамият 02 Март 2017 32512

Когонлик Баҳром Рўзиев (исм-фамилиялар ўзгартирилган) анчадан буён валюта қимматликларининг ноқонуний олди-сотдиси билан шуғулланиб келади. Бу боис бу “касб”ни пухта ўзлаштирган. Айни чоғда, қамровни кенгроқ олиш ва мушкулини осонлаштириш мақсадида талай “ҳамкорлар” орттирган. Улар билан хоҳ юзма-юз мулоқот пайтида, хоҳ телефон орқали суҳбатлашиш чоғида бўлсин, ҳушёрликни асло унутмайди. Доимо шартлашилган, асл маъносини фақат ўзлари биладиган, бошқалар тушунмайдиган махфий сўз-иборалар воситасида гаплашади. Бунга шериклари ҳам кўникиб кетишган, деб ёзади “Ҳуқуқ” газетаси.

Ўша куни ҳам шундай бўлди. Ўтган йилнинг февраль ойларида унга Рустам исмли ҳамтовоғи қўнғироқ қилиб, “суюнчи” олди. 

-  Ҳорманг энди! – деди қувноқ оҳангда. – Бугун битта “жирний клиент” топдим.

-  Ростданми? – Баҳром ишонқирамай сўради. – Хўш, баҳоси қанча экан ўша “клиент”нинг?

-  Шу десанг... 83 та “кўк пиёз” керак экан.

-  Ҳа, унда бир учрашиб қўйсак. Натижаси чакки бўлмайдиганга ўхшайди.

Янги мижоз “Баҳодир” билан қўнғироқлашиб, учрашув жойини ва вақтини келишиб олди. Белгиланган жойда 8 минг 300 АҚШ долларини бериб, 51 млн. 792 минг сўм пулни санаб кўриб, чўнтакларига уришди. Аммо жуфтакни ростлашга улгуришмади. Чунки зум ўтмай ҳуқуқни муҳофаза қилувчи орган ходимлари қуршовида қолишди...

Б.Рўзиев ҳамда Р.Ҳусанов жиноят ишлари бўйича Когон туман судининг ҳукми билан тегишли жазога тортилдилар.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34847 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73393 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 138099 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 770 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2987 Жамият
Виталий Денисов футболга қайтганидан хурсанд
02:29 1740 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2192 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Ла-лига. «Атлетико» бир киши кам бўлиб, мағлубиятдан қутулиб қолди
01:56 1399 Спорт
Кўпроқ янгиликлар