Испания чемпионатининг 25-туридан ўрин олган «Барселона» ва «Спортинг» Хихон жамоалари ўртасидаги учрашувда захирага олинган Месси бош мураббий Энрике билан сўрашишни истамади.

Учрашувнинг 61-дақиқасида Лионель Месси захирага олинди. У мураббий билан қўл бериб кўришишни истамади. Ўз навбатида Энрике ҳам у томон бориб ўйин учун миннатдорчилик билдиришни истамаган.

Эслатиб ўтамиз, учрашувда «Барселона» 6:1 ҳисобида ғалаба қозонди. Месси битта гол ва битта голли узатмага муаллифлик қилди. Ўйиндан кейин Энрике мавсум якунида жамоадан кетишга қарор қилгани ҳақида эълон қилди.