Хитой далай-ламага оид навбатдаги баёнот билан чиқди: Энди Ҳиндистон можаро марказида

Жаҳон 03 Март 2017 7537
Фото: Globallookpress.com

Далай-ламанинг Ҳиндистон шимоли-шарқидаги Аруначал-Прадеш штатига ташрифи Хитой ва Ҳиндистон муносабатларига жиддий зарар етказиши мумкин. Бу ҳақда Хитой ташқи ишлар вазирлигининг расмий вакили Гэн Шуан маълум қилди.

"Ҳиндистон далай-лама ва Хитой-Ҳиндистон чегараолди масалалари жиддийлигини яхши тушунади. Ҳиндистон шундай вазиятда далай-ламани Пекин ва Нью-Деҳли баҳслашаётган туманга ташриф буюришга таклиф қилмоқда, - деди дипломат. – Бу Хитой-Ҳиндистон чегараси яқинидаги барқарорликнинг бузилиши ҳамда икки мамлакат ўртасида муносабатларнинг кескин ёмонлашишига олиб келиши мумкин".

"Хитой далай-лама чегарага яқин ҳудудларга боришига қарши чиқади. Биз бу масала юзасидан бир неча бор ташвишда эканимизни билдирганмиз ҳамда Ҳиндистонни яна бир бора амалдаги келишувларни ҳурмат қилишга чақирамиз", - дея қўшимча қилиб ўтди Гэн Шуан. Унинг таъкидлашича, Хитой ТИВ позицияси Ҳиндистонга расмий каналлар бўйича билдирилган.

Маълумот учун, Далай-лама Ҳиндистоннинг Дхарамсала шаҳрида 1959 йилдан – Лхасани тарк этганидан бери яшайди. У Хитой томонидан “ХХР бирлигига таҳдид уйғотувчи айирмачи” деб қаралади. Ўтган йилнинг ноябрь ойида далай-лама Мўғулистонга ташриф буюрди ҳамда бу Пекиннинг жиддий норозилигига сабаб бўлди.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50450 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66437 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35552 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20367 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77328 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60877 Жамият
Ҳукумат ўқитувчи ва шифокорларни пахта теримига жалб этишни тақиқлади
«ПСЖ» Ди Марияни «Барселона»га сотиш нархини маълум қилди
20:34 866 Спорт
103 ёшли комбожалик аёл АҚШ фуқаролигини қабул қилди
20:25 349 Жаҳон
Чадда Қатар элчихонаси ёпилиши эълон қилинди
20:15 426 Жаҳон
Кўпроқ янгиликлар