Belarus prezidenti Aleksandr Lukashenko "dunyo aqldan ozayotgani", biroq mamlakat jamiyatni parchalashga bo‘lgan urinishlarga munosib javob qaytara olishini aytdi. RIA "Novosti"da shu haqida xabar berdi.
"Hech qanday bo‘lmag‘ur xayollarga berilmaslik kerak: jamiyatimizni parchalash, undagi sharoitni beqarorlashtirish hamda bizga bosim o‘tkazish hech kimning qo‘lidan kelmaydi", - dedi Lukashenko Belarus militsiyasining 100 yilligiga bag‘ishlangan tantanali yig‘ilishda.
Prezident "kun sayin, yil sayin shunday qilishni istaganlar soni kamayishini" ta'kidladi.
"Biz go‘yoki tomoqqa tiqilgan suyakdekmiz. Siz atrofda nimalar bo‘layotganini ko‘rayapsizmi: dunyo aqldan ozgan... Biz tiz cho‘kmasligimiz kerak, biz mamlakatni asrab, o‘z xalqimizni himoya qilishimiz lozim. Ishonchim komilki, shunday qilamiz ham", - dedi Lukashenko.
"Bundaylarga bizda doim munosib javob bo‘ladi", - qo‘shimcha qildi u.
