Мальдив ҳукумати оролларидан бирини 99 йилга ижарага бериши мумкин

Жамият 03 Март 2017 3544

Мальдив республикаси ҳукумати оролларидан бирини Саудия Арабистонига 99 йилга ижарага бериши мумкин, деб ёзмоқда Times of India нашри.

Гап Фаафу атолли ҳақида бормоқда. У 18та оролчалардан ташкил топган бўлиб, уларда 6 мингга яқин киши истиқомат қилади. Атолл 2014 йилда қабул қилинган махсус иқтисодий ҳудудларга доир қонун негизида ижарага берилиши мумкин. Мазкур қонун хорижий компанияларга атолларни 99 йилга ёки чекланмаган муддатга ижарага беришга рухсат беради. Чекланмаган муддатга ижарага олиш учун компания республикада рўйхатдан ўтган бўлиши ҳамда унинг 51 фоизи мамлакат фуқаросига тегишли бўлиши лозим. 

Расман бу режаларни икки мамлакат ҳукуматлари тасдиқлагани йўқ. Бироқ, аввалроқ, Мальдив президенти Абдулла Ямин Саудия Арабистонининг атоллдаги "лойиҳаси" ҳақида сўз юритган эди. Давлат раҳбари ер сотилмаслиги, батафсил маълумот берилмаслигини эса музокаралар давом этаётгани билан изоҳлаганди. 

Мальдив ОАВ маълумотларига кўра, лойиҳанинг ўзи оролларда қайта қуриш ишларини олиб бориш орқали атоллни йирик элита тураржойлари жойлашган ҳудудга айлантиришни кўзда тутади. Бу ерда сайёрадаги энг бадавлат инсонлар истиқомат қилишлари ва дам олишлари мумкин бўлади. Ижарага бериш ҳақидаги хабарлар Саудия Арабистони подшоҳи Салмон бин Абдул Азиз ал Сауднинг минтақа мамлакатларига ташрифи доирасида республикага келиши арафасида пайдо бўлди. Бу ўз навбатида мухолифатнинг кескин норозиликларини келтириб чиқарди. 

Хусусан, Мальдив демократик партияси вакили, республиканинг собиқ ТИВ раҳбари Аҳмад Насим Times of India нашрига берган изоҳида ҳукумат атоллни ижарага бериш борасида аҳоли фикрини ўрганмаганидан норозилигини билдирган. 

Нашрнинг қайд этишича, атоллнинг Саудияга ижарага берилиши эҳтимоли Ҳиндистон ҳукуматининг ҳам хавотирларига сабаб бўлмоқда. Чунки, бу Ар Риёднинг Ҳинд океанидаги таъсирини кучайтиради. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 30857 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16961 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 66689 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 57652 Жамият
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 3651 Жаҳон
Самарқанд вилоятида 6 миллион доллар қийматидаги трансформаторлар ишга туширилди
Трамп: Ким Чен Ин АҚШни ҳурмат қилишни бошлади
10:30 4444 Жаҳон
Шайхонтоҳур туманидаги қасддан одам ўлдириш фош этилди
10:27 3558 Жамият
Фарғонада ўқитувчиларни мажбурий меҳнатга жалб қилган халқ таълими мудираси ишдан олинди
Кўпроқ янгиликлар