Допинг текширувидан ўта олмаган россиялик боксчи Александр Поветкин Бутунжаҳон бокс кенгаши (WBC) томонидан номаълум муддатга четлатилди ва 250 минг долларлик жаримага тортилди, деб хабар қилинади ташкилот матбуот релизида.

Поветкин 21 май куни америкалик Деонтей Уайлдер билан WBC йўналиши бўйича супер оғир вазн тоифасидаги жаҳон чемпионлиги учун жанг ўтказиши керак эди. Жангдан тўққиз кун аввал эса унинг қонидан мельдоний моддаси топилгани маълум бўлди. Кейинчалик “Мир бокса” промоутерлик компанияси раҳбари Андрей Рябинский Поветкиннинг янги расмий допинг текширувлари “тоза” бўлиб чиққанини хабар қилди.

2016 йилнинг августида WBC Поветкиннинг допинг таҳлиллари бир йил ичида салбий чиқса, у четлатилиши, шунингдек жаҳон чемпиони номи учун жанг ўтказишга мажбурий даъвогар бўлиш имконидан маҳрум этилиши ҳақида маълум қилди. Декабрда Поветкиннинг канадалик Бермейн Стиверн билан WBC вақтинчалик чемпиони номи учун жанги россиялик боксчининг қонидан остарин моддаси топилгани туфайли бекор қилинди. 

"2016 йилнинг 17 августидаги WBC қарорига кўра, жаноб Поветкин WBC шафелигидаги барча жанглардан номаълум муддатга четлатилиши керак. Поветкин WBC’га 250 минг доллар миқдорида жарима тўлаши лозим, - дейилади хабарда. – Допингга кўнгилли равишда текширувдан ўтказиш Ассоциацияси (VADA) Поветкиннинг текшируви ҳақидаги аниқ баённомани унинг ҳисобидан ишлаб чиқади".

"Поветкин бу қарордан бир йил ўтиб WBC’да аъзоликка тикланиш ҳақида мурожаат юбориши мумкин. Агарда баённома доирасидаги барча тестлар натижаси салбий бўлса, WBC Поветкиндан дисквалификацияни олиш имконини кўриб чиқади, шу билан бирга, спортчи шахсий баённома доирасида допингга текширувдан ўтишни давом эттиради. WBC Поветкинга унинг допинг-намунасида остарин моддаси ҳақида қўшимча исботлар тақдим этиш имконини беради".

Февраль ойи бошида “Мир бокса” промоутерлик компанияси раҳбари Андрей Рябинский Поветкиннинг остаринга бўлган Б допинг-намунаси ижобий натижа бергани, гарчи Лозаннадаги мустақил лабораториядаги тест “тоза” бўлганини маълум қилди. Охир-оқибат Поветкин WBC рейтингларидан четлатилди.