Россия Бош штаби ва НАТО сўнгги уч йил ичида биринчи марта музокаралар ўтказди

Жаҳон 03 Март 2017 6621
Фото: ТАСC

Россия Бош штаби бошлиғи Валерий Герасимов ва НАТО Ҳарбий қўмитаси раиси генерал Петр Павел жума куни музокаралар ўтказишди. Улар НАТО томони ташаббуси билан Россия билан муносабатлар музлатилганидан бери илк бора ўтказилди, деб хабар берди Россия Мудофаа вазирлиги.

Альянс Россия билан муносабатларни бир томонлама музлатиб қўйиш ҳақида 2014 йилнинг апрелида қарор қабул қилди.

"2017 йилнинг учинчи мартида НАТО томони ташаббуси билан Россия Федерацияси Бош штаби бошлиғи – Россия мудофаа вазирининг биринчи ўринбосари армия генерали Валерий Герасимовнинг НАТО Ҳарбий қўмитаси раиси генерал Петр Павел билан телефон орқали мулоқоти бўлиб ўтди. Бу НАТО Кенгаши томонидан Россия билан муносабатларни музлатиш ҳақида қарор қабул қилинганидан бери ҳарбий йўналишдаги олий даражада бўлган илк алоқадир", - дейилади хабарда.

Томонлар мулоқот давомида хавфсизлик муаммолари, ҳарбий йўналишдаги ўзаро ҳаракатларни тиклаш истиқболлари, Россия мудофаа маҳкамаси томонидан ўтказилаётган халқаро тадбирлардаги альянс вакилларининг иштироки ва улар иштирокидаги ҳодисаларнинг олдини олиш масалалари муҳокама қилинди.

Хабарда таъкидланишича, Россия Бош штаби бошлиғи суҳбатдоши эътиборини Шимолий Атлантика иттифоқининг Россия чегаралари яқинидаги ҳарбий фаоллиги ортиши билан боғлиқ мавжуд ташвишларга қаратди. 

Шунингдек Герасимов уни Россия мудофаа вазирлиги 2017 йилда ўтказишни режалаштирган муҳим халқаро тадбирлар ва машқлар ҳақида хабардор этган.

"Томонлар Европадаги кескинликни камайтириш ва вазиятни барқарорлаштиришга йўналтирилган ўзаро қадамлар кераклигини тасдиқлашди. Армия генерали В.В. Герасимов ва генерал П. Павел бундай алоқаларни давом эттиришга келишиб олдилар", - дея қўшимча қилиб ўтишган Россия мудофаа вазирлигида.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 72051 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37411 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21683 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81643 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62029 Жамият
Forbes: Бой бўлишдан уялмаган Малкольм Форбс
01:13 1939 Lifestyle
Зидан ҳеч қандай музокараларсиз «Реал» билан шартномани узайтиради
00:53 1286 Спорт
Бразилияда бортида 70 киши бўлган паром чўкиб кетди
00:20 1094 Жаҳон
Германиядаги йўл-транспорт ҳодисасида 44 руминиялик жабрланди
00:17 465 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 813 Маданият
Кўпроқ янгиликлар