Тожикистон аҳолиси март ойининг деярли ярмини дам олиш билан ўтказади

Жамият 03 Март 2017 18591
Фото: Advantour

Тожикистон аҳолиси март ойида дам олиш кунлари ҳамда Оналар куни ва Наврўз байрамлари муносабати билан 13 кун дам олади.

Тожикистоннинг "Байрам кунлари тўғрисида"ги қонунига кўра, агар дам олиш кунига эга расмий байрам шанба ёки якшанба кунига тўғри келса, унда байрамдан кейинги иш куни ҳам дам олиш куни ҳисобланади. Бу ҳақда Тожикистоннинг мустақил касаба уюшмалари федерациясида маълум қилинди.  

Тожикистонда жорий март ойида расмий байрамлар дам олиш кунларига тўғри келмайди.

Шу тариқа, Тожикистон аҳолиси 4, 5 (дам олиш кунлари), 8 (Оналар куни), 11, 12, 18, 19 (дам олиш кунлари), 21, 22, 23, 24 (Наврўз) ва 25, 26 март кунлари ҳордиқ чиқаришади.

Тожикистонда Наврўз байрами муносабати билан 21, 22, 23, 24 март кунлари дам олиш кунлари ҳисобланади. 

Бу йили Тожикистонда Наврўзнинг бош тантаналари Турсунзода шаҳрида ўтказилади.

Тожикистонда Наврўз халқаро байрами маданий дастурида қўшни давлатлар – Ўзбекистон, Афғонистон ва Эрондан вакиллар иштирок этишади. Жумладан, Ўзбекистондан катта делегация кутилмоқда. Турсунзода шаҳри ҳокимининг айтишича, бу делегация таркибида Ўзбекистоннинг вилоятлари ва шаҳарлари раҳбарлари, санъаткорлари ва тадбиркорлари бўлиши эҳтимоли бор. 

Аввалроқ Тожикистон президенти Эмомали Раҳмон 2017 йилги Наврўз байрамининг эмблемасини тасдиқлаганди. Унинг буйруғига кўра, Наврўз кунлари мамлакат бўйлаб бинолар, залларни безашда шу эмблемадан фойдаланилади.

Раҳмон, шунингдек, Душанбе ҳокими Рустам Раҳмонга Наврўзни муносиб кутиб олишни ва пойтахтни меҳмонлар келишига тайёрлашни буюрди.

Эслатиб ўтамиз, 2009 йилда Наврўз ЮНЕСКО томонидан Инсониятнинг номоддий маданий мероси рўйхатига киритилганди. Шундан бери 21 март Наврўз халқаро куни сифатида нишонланиб келинади. 

Кун янгиликлари
Гўшт қимматлашгани ҳақидаги мақолага акс-садо: «Фермерларга тегманг!»
16:40 / 23.05.2017 59839 Ўзбекистон
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 116972 Жамият
Непал бош вазири истеъфога чиқди
18:13 238 Жаҳон
Навальний Усмоновга: “Ўзингизга ортиқча баҳо берманг, сиз энг муҳим шахс эмассиз”
17:51 4627 Жаҳон
Имомали Раҳмон Дональд Трампни унинг кўришиш услубида мағлуб этди
17:46 5345 Жаҳон
Фарғоналик аёллар спорт машғулотларида мунтазам қатнашмоқда
17:30 818 Жамият
Трамп хорижий сафари маршрутида географик хатога йўл қўйди
17:20 6386 Жаҳон
2017 йилда ғалладан бўшаган 950 мингдан ортиқ гектар майдонларга такрорий экин экилади
Соғлиқни сақлаш вазири ЖССТнинг янги раҳбари билан учрашди
АҚШ ғарбий соҳилларида рўй берган кўчки йирик магистрални тўсиб қўйди
16:57 1608 Жаҳон
Кўпроқ янгиликлар