Нидерландиянинг Spyker компанияси янги моделининг тизерини намойиш этди. Унинг расмий тақдимоти Женева автосалонида бўлиб ўтиши режалаштирилган. Бу 2016 йилда айни Женева кўргазмасида тақдим этилган C8 Preliator купесининг томи очиқ намунасидир. Янги модель Spyker номига уйқаш тазда Spyder деб номланади. 

Ҳозирча, у ҳақда батафсил маълумотлар мавжуд эмас. Нидерландия компанияси унинг техник кўрсаткичларига доир барча маълумотни сир тутмоқда. Бироқ, техник жиҳатдан янги машина аввалгисига ўхшаш бўлади. Унга Audi компанияси ишлаб чиққан 4,2-литрли, 525 от кучига V8 мотори жойланиши эҳтимол. 

C8 Preliator купесига 6 босқичли механик узатмалар қутиси ёки 8 диапазонли автоматик узатмалар қутиси ўрнатилган. У 3,7 сонияда соатига 100 км тезликка эришади. Энг юқори тезлиги соатига 320 кмдан ошади. 

Икки эшикли Spyker 50 нусхада ишлаб чиқарилади. Унинг бошланғич нархи тахминан 355 минг доллардан бошланади. C8 Preliator Spyder ҳам сон жиҳатидан чекланиши мумкин. 

.