O‘tgan hafta mobaynida xalqaro hayotda muhim voqealar sodir bo‘ldi. Ana shu xabarlarning eng muhim va qiziqarlilari haftalik dayjestda.
AQSh yetakchisi Donald Tramp gubernatorlarning har yillik bazmida prezidentligining birinchi to‘rt haftasi juda quvnoq o‘tganini ma'lum qildi.
YeI Kengashi ittifoqning uchinchi mamlakatlar bilan vizasiz tartibni vaqtincha to‘xtatish mexanizmini hamda Gruziyaga vizasiz tartibni joriy qilish qarorini qabul qildi. Oradan ma'lumbir vaqt o‘tib, aniqrog‘i 1 mart kuni ukrainaliklar ham YeIga vizasiz kira olishadigan bo‘ldi.
Yaqinda GM Uzbekistan kompaniyasi Ukrainada Ravon brendining modellar qatorini ko‘paytirgani va R4 modelini seriyali ishlab chiqish yo‘lga qo‘yganini e'lon qilgan edi. Endi yangi arzon toifadagi sedan Ukrainada ham sotilishi ma'lum bo‘ldi.
Rossiya prezidenti Vladimir Putin Bishkekka tashrif bilan keldi. Muzokaralar davomida Rossiya prezidenti Kant bazasini Qirg‘izistonga Rossiya yordami kerak bo‘lmaydigan bo‘lsa, yopishga tayyor ekanligini ma'lum qildi. Bundan tashqari, Putin Rossiya-Qirg‘iziston muzokaralari yakuni bo‘yicha ushbu mamlakatga byudjyetni barqarorlashtirish uchun grantlarning umumiy miqdori 225 million dollarni tashkil etganini xabar berdi.
Rossiya tashqi ishlar vaziri o‘rinbosari Sergey Ryabkov Rossiya va AQSh prezidentlari Vladimir Putin hamda Donald Trampning uchrashuviga tayyorgarlik ko‘rish boshlanganini ma'lum qildi.
O‘tgan hafta davomida Rossiyaning Xabarovsk aeroportida O‘zbekiston fuqarolarining bagaj va qo‘l yuklaridan 124 kg noqonuniy ravishda olib kirilgan mahsulotlar topildi.O‘zbekistonliklar ko‘p hollarda mayiz, yong‘oq, olma, shaftoli va quruq mevalarni olib kirishga urinishmoqda.
AQSh prezidenti Donald Tramp sobiq prezident Barak Obamaning "Toza suv to‘g‘risida"gi qonunini bekor qilish farmoniga imzo chekdi. Mazkur qonun nafaqat respublikachilar, balki Amerika qishloq xo‘jaligi vakillari tomonidan bir necha yillar davomida keskin tanqid qilinadi.
1 mart kunidan boshlab Qirg‘iziston Milliy banki yangilangan banknotalarni muomalaga kiritdi. QR Milliy banki saytida ta'kidlanishicha, bu to‘rtinchi seriya banknotalaridir. Ular klassik usulda ishlangan aniq tasvirlangan portretga ega.
Pokiston poytaxti Islomobodda Iqtisodiy hamkorlik tashkiloti (IHT)ning 13-sammitiga start berildi.
IShID terrorchilik tashkiloti rahbari Abu Bakr al-Bag‘dodiy o‘z tarafdorlariga xayrlashuv nutqi yo‘lladi. U oxirgi oylardagi jangovar harakatlar oqibatida tashkilot yengilganini tan olib, jangarilarni tog‘li hududlarga ketib yashirinishga chaqirgan.
Suriya armiyasi o‘tgan yilning dekabrida IShID jangarilari tomonidan egallab olingan tarixiy Palmira shahrida nazoratni qo‘lga oldi.
AQShda navbatdagi mojaro. Gap shundaki, Bosh prokuror o‘tgan yilda Rossiya elchisi bilan 2 marta gaplashgani aytildi. Shu bois Demokratlar AQSh bosh prokurori iste'foga chiqishini talab etmoqda. O‘z navbatida, AQSh bosh prokurori Rossiya vakillari bilan saylovlar mavzusini muhokama qilganini rad etdi.
Amerikaning Consumer Reports jurnali tomonidan eng yaxshi avtomobillar reytingi e'lon qilindi. Jurnalning bo‘linmasiga rahbarlik qiluvchi Jyeyk Fisherning ma'lum qilishicha, nemis avtomobil ishlab chiqaruvchilari katta ishonchlilik tufayli o‘z pozitsiyalarini mustahkamlashgan.
AQShning Kaliforniya shtati Los-Anjyeles shahrida Amerika kino san'ati akademiyasi mukofotlarini topshirish bo‘yicha 89-marosim bo‘lib o‘tdi.
O‘zbekiston hafta ichida: yangi banknota va haydovchilik guvohnomasi, poytaxtdagi yong‘inlar, xalqaro munosabatlardagi yangi davr
