Boeing «ваъда»сини бузган Данияни судга берди

Жаҳон 04 Март 2017 4462
Фото: Reuters

Американинг Boeing компанияси Дания мудофаа вазирлиги устидан судга мурожаат қилди. Бунга вазирликнинг қироллик ҲҲК эҳтиёжлари учун Boeing томонидан ишлаб чиқарилган А/F-18 Super Hornet F қирувчи самолётларини рад этиб, Lockheed Martin ишлаб чиққан F-35A қирувчиларини харид қилишига нима сабаб бўлганига ойдинлик киритувчи ҳужжатларни тақдим этмагани сабаб бўлган. Бу ҳақда корпорация баёнотида маълум қилинган. 

"Boeing Дания мудофаа вазирлигини судга берди, чунки вазирлик қирувчи самолётларни етказиб бериш бўйича ўтказилган танлов хулосасига доир ҳужжатлар билан танишиш бўйича берган илтимосимизга жавоб бермади", - дейилади баёнотда. 

Boeing корпорациясининг катта вице-президенти Том Белл Даниянинг TV2 телеканалига берган интервьюсида изоҳ беришича, Дания мустақил давлат сифатида танловда тақдим этилган учта қирувчи самолётдан бирини танлашга тўла ҳуқуқи бор эди. Бироқ, Boeing мудофаа вазирлигининг танлов якунига доир эълон қилинган рақамларидан норози. Компанияга кўра, F/A-18 Super Hornet F қирувчиларининг якуний таннархи ва имкониятлари нотўғри кўрсатилган. Шунга биноан, бундай маълумотларнинг давлат идораси томонидан эълон қилиниши Boeing обрўсига жиддий путур етказади. 

Дания мудофаа вазирлиги, ўз навбатида, Boeing айнан қандай ҳужжатларни талаб қилаётганини аниқ билдирмагани сабабли бу каби ҳужжатлар тўпламини олмаганини айтмоқда. 

Дания ҳукумати 2016 йил май ойида қироллик ҲҲК таркибидаги F-16 қирувчи самолётларини 27 дона бешинчи авлод F-35A Joint Strike Fighter қирувчиларига алмаштиришга қарор қилган эди. Вазирлик учун тавсиянома ишлаб чиққан экспертлар F-35A асосий кўрсаткичлар борасида А/F-18F ҳамда Eurofighter қирувчиларидан устун деган қарорга келган. 

Lockheed Martin самолётларининг умумий қиймати ва сервис хизмати 56 млрд крон (7,9 млрд доллар)га айланади. А/F-18F қирувчиларининг 27 донаси 78 млрд крон (11,1 млрд доллар)га айланиши керак эди. 

Boeing вазирлик баҳолари билан умуман рози эмас. Унга кўра, нархлар деярли 2 марта қиммат кўрсатилган. 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 89633 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 44733 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50415 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8826 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19687 Ўзбекистон
Конте «Челси»га нима етишмаётгани ҳақида гапирди
22:59 240 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 460 Жамият
Видео: Дэвид Бекҳэм Pro Evolution Soccer 2018’да
22:47 385 Спорт
АҚШ ва Жанубий Корея август охирида ҳарбий машғулотлар ўктазади
22:35 349 Жаҳон
Dodge Viper суперкарларини ишлаб чиқариш кутилмаганда тўхтатилди
Кўпроқ янгиликлар