Қозоғистоннинг Рудний шаҳрида яна бир ўсмир ўз жонига қасд қилди. Маълум бўлишича, фожиали ҳодиса 2 март куни рўй берган, деб хабар берди “Город” нашри.

Маълумотларга кўра, 12 ёшли қизча 4-сонли лицей-мактабнинг 7-синфида таълим олган ва хоккей билан шуғулланган. Мактаб ўз ўқувчиси ўз жонига қасд қилганини тасдиқлади.

Дастлабки маълумотларга кўра, мактаб ўқувчисининг ўз жонига қасд қилишига ижтимоий тармоқлардаги хавфли руҳий ўйинлар эмас, балки жавобсиз муҳаббат сабаб бўлган.