АҚШда Трамп тарафдорлари ва мухолифлари ўртасидаги тўқнашувлар давом этмоқда

Жаҳон 05 Март 2017 4298

Полиция Американинг бир қатор шаҳарларида мамлакат президенти Дональд Трампга қарши томон ва унинг тарафдорлари ўтказган маршлар вақтида 20 нафардан ортиқ кишини қўлга олди. Бу ҳақда Associated Press хабар тарқатган.

Калифорния штатида, Беркли шаҳри полицияси Трампнинг тарафдорлари ва қарши кучлар ўртасидаги тўқнашувдан кейин 10дан ортиқ киши қўлга олинган. Тўқнашув оқибатида камида 7 киши жароҳатланган.

Миннесота штатида, Сент-Пол шаҳрида эса митинг иштирокчиларидан 6 нафари қўлга олинган. Улар пиротехник воситалар ишлатишганди.

Шунингдек, Теннеси штатидаги Нэшвилл шаҳрида 2 киши, Вашингтон штатидаги Олимпия шаҳрида 4 киши қўлга олинган.

Бундан олдинроқ, Беркли шаҳрида «Трамп учун Марш» тадбири вақтида Трампнинг тарафдорлари ва мухолифати ўртасида тўқнашув юзага келгани хабар қилинганди.

Кўпроқ янгиликлар