Трамп жамоасида машҳур сиёсатчи пайдо бўлиши мумкин

Жаҳон 05 Март 2017 9871

Британиялик таниқли сиёсатчи, собиқ бош вазир Тони Блэр Яқин Шарққа Вашингтон орқали қайтмоқчи.

Daily Mail нашрида ёзилишича, у махфий равишда Оқ уйда бўлган. У Дональд Трампнинг куёви, шу билан бирга унинг бош маслаҳатчиси Жаред Кушнер билан учрашган.

France Press агентлигининг ёзишича, томонлар Блэр АҚШ президентининг Яқин Шарқ масалалари бўйича маслаҳатчиси лавозимини эгаллаши имкониятларини муҳокама этишган.

Манбанинг маълумотига кўра, бу уларнинг ўтган йил сентябрь ойидан буён учинчи учрашуви ҳисобланади.

Тони Блэр 2007 йилдан 2013 йилга қадар Яқин Шарқ масаласи бўйича махсус элчи бўлган ва араб-яҳудий зиддиятини тинч йўл билан ҳал қилиш устида ишлаган. Унинг бу борадаги тажрибаси Оқ уйда юксак қадрланаётгани айтилган ва унинг Трамп жамоасида пайдо бўлиши эҳтимоли юқори баҳоланмоқда.

Агар Трамп бу вазифани Тони Блэрга топширса, Ироқ урушидан кейин халқаро майдонда обрўси кескин тушиб кетган сиёсатчининг ҳайратомуз қайтиши бўлади.

Бундан олдинроқ Блэр Ироқ кампаниясидаги хатосини тан олганди ва масъулиятни зиммасига олганди.

Эслатиб ўтамиз, унинг ташаббуси билан қамоқдан озод қилинган террорчи кейинчалик Мўсулда йирик портлаш содир этганди.

Кун янгиликлари
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 10936 Ўзбекистон
Ўзингиз ва оёқларингизга роҳат берадиган Heritage гиламларини 30-40 фоиз чегирма билан харид қилинг
16:59 / 21.07.2017 3854 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 45512 Ўзбекистон
Ғайриқонуний ҳукм ёхуд суд устидан кимга шикоят қилиш керак?
09:52 / 21.07.2017 17924 Жамият
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 50626 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 86437 Жамият
Видео: Hyundai ҳақиқий ҳайдовчи билан краш-тест ўтказди
«Ўзбекэнерго» ва KEPCO энергетика соҳасида ҳамкорлик қилади
Ҳавайида КХДРнинг эҳтимолий ядро ҳужумига тайёргарлик кўриш бошланди
15:03 974 Жаҳон
Америкада ФҚБ таъқиб машинаси барча қурилмалари билан савдога қўйилди
Кўпроқ янгиликлар