Хитойнинг Гуандун вилоятидаги Цзянмин шаҳрида истиқомат қилувчи қурувчи солга экскаватор ўрнатди ва Сицзян дарёсини сузиб ўтмоқчи бўлди. 

“South China Morning Post” хабарида ёзилишича, у шу орқали ишгача бўлган йўлни қисқартирмоқчи бўлган. Аммо дарё ўртасида машина солдан оғиб кета бошлаган. Ихтирочи экскаватор ичидан чиқишга улгурган, бир қанча вақт ўтиб, қутқарувчилар уни қирғоққа олиб чиқишган.