07:32 / 06.03.2017
8616

Netanyaxu: "Isroilda Yosir Arofat ko‘chasi paydo bo‘lishiga yo‘l qo‘ymayman"

Isroil bosh vaziri Binyamin Netanyaxu mamlakatda Falastin sobiq yetakchisi Yosir Arofat sharafiga atalgan ko‘cha paydo bo‘lishiga yo‘l qo‘ymasligini ma'lum qildi. Bu haqda uning feysbuk’dagi sahifasida xabar berilgan.

«Isroil davlatida hech bir ko‘cha isroilliklar va yahudiylar qotillarining nomi bilan atalmaydi», - degan u hukumat yig‘ilishida.

Netanyaxuning qo‘shimcha qilishicha, ko‘chalar Yosir Arofat, Hoja Amin al-Husayni va boshqalarning nomi bilan atalishiga yo‘l qo‘ymaslik darkor.

Bosh vazirning ta'kidlashicha, u bunga yo‘l qo‘ymaslik uchun qonunchilik choralarini qabul qilishga ham tayyor.

Avvalroq Isroil shimolidagi Jatta aholi punktida (11 ming kishi istiqomat qiladi) «Arofat ko‘chasi» deya ko‘rsatilgan belgini topishgandi.

Top