Анқарада Россия фуқароси бўлган аёл қўлга олинди, деб хабар қилмоқда Hurriyet газетаси ҳуқуқни ҳимоя қилиш идораларидаги манбасига асосланган ҳолда. У Туркиядаги россиялик элчи Андрей Карловни отиб ўлдирган Мавлут Олтинтош билан алоқадорликда гумон қилинмоқда. 

Ҳибсга олинган 33 ёшли аёлнинг исми Екатерина. Тергов томони уни ноябрь ойи охиригача Олтинтош билан телефон мулоқотларини олиб борганини гумон қилмоқда. Бундан ташқари, у WhatsApp мессенжери орқали қотил билан суҳбатлашган.

Журналистларнинг уқдиришларича, россиялик аёл, шунингдек, Анқаранинг беш юлдузли меҳмонхоналарида интим хизматлари ташкил этишга алоқадор. 

Россиянинг Анқарадаги элчихонаси ушбу хабар хусусида РИА Новости агентлигига изоҳ бера олмаган

Элчи Андрей Карлов 2016 йил 19 декабрда Анқарадаги фотокўргазма очилиши маросимида нутқ сўзлаётган вақтда отиб ўлдирилган эди. Туркия ҳукуматига кўра, суиқасдни собиқ полиция ходими Мавлут Олтинтош амалга оширилган. У маҳаллий хавфсизлик кучлари томонидан жиноят содир этилганидан кейин йўқ қилинган. Россия Тергов қўмитаси "халқаро терроризм жинояти" бўйича жиноий иш қўзғатди, қотиллик россиялик ва туркиялик мутахассислар ҳамкорлигида суриштирилмоқда.