Тўпи «отилмаётган» «Арсенал», Мессининг қўнғироғи, ношуд Ибраҳимович ва ҳафтанинг бошқа ёрқин лаҳзалари

Спорт 06 Март 2017 10997

Март ойининг дастлабки уик-энди воқеаларга бой бўлди. «Ливерпуль» ЕЧЛ йўлланмаси учун асосий рақобатчиларидан бири «Арсенал»ни мағлубиятга учратди. «Наполи» «Реал»га қарши учрашув олдидан муҳим учрашувда ғалаба қозонди. Tribuna.Uz ҳафта сўнггидаги шу каби энг ёрқин лаҳзаларни жамлаб чиқди.

Кичик тарихга якун ясаган «Ливерпуль», биз таниган «Лестер», Кейн ва Сильва қиёфасидаги қаҳрамонлар
Англия премьер-лигасининг 27 туридан ўрин олган учрашувлар бир қатор муҳим воқеаларга бой бўлди. Юрген Клопп жамоаси ЕЧЛ йўлланмаси учун асосий рақобатчиси бўлиб турган «Арсенал»ни ўз уйида қабул қилиб, сўнгги уч йилда илк марта ўз уйидаги учрашувда ғалаба қозонди. Лондон жамоасида муаммолар кўзга ташлана бошлади. Етакчилардан бири жамоадан кетиш пайига тушиб қолгани ойдинлашди.

«Тоттенҳэм» эса Ҳарри Кейнннг навбатдаги қаҳрамонлиги эвазига муҳим уч очкони қўлга киритдиМоуриньонинг «Манчестер Юнайтед»и можароларга бой кечган учрашувда  мавсумдаги 10-дурангини қайд этди.

«Манчестер Сити» эса аутсайдер «Сандерленд» уйида муҳим ғалабани қўлга киритди. Ўйин қаҳрамонларидан бири, АПЛнинг сўнгги 7 йилдаги энг сермаҳсул футболчиси Давид Сильва бўлди. Ўйиндан кейин Гвардиола «Сити»да айнан уни деб ўзини бахтли ҳис қилаётганини тан олди. Шунингдек бу ўйиннинг сўнггида Кевин Де Брюйненинг ҳаракати дунё матбуоти эътиборини ўзига қаратди.

«Лестер» эса Клаудио Раньерисиз иккинчи учрашувда ҳам бир хил ҳисобда ғалаба қозонди. Бир қатор аутсайдерларнинг ҳам бу турда уйғонганини эътироф этиб ўтиш керак.

«Наполи»нинг Римдаги қаҳрамонлиги, қоқилган «Ювентус»
Италия А сериясининг мавсумдаги энг муҳим ўйинларидан бири шу турда ўтказилди. ЕЧЛ учун курашаётган «Наполи» «Рома»ни ўзидан етиб бўлмайдиган даражада узоқлашиб кетиши ва «Аталанта»нинг етиб олиш хавфи сабаб Римдаги учрашувни ғалаба билан якунлаши шарт эди. Дрис Мертенснинг навбатдаги муваффақиятли юриши орқали бу вазифа уддаланди. «Реал»га қарши учрашув олдидан Сарри жамоаси мавсумдаги энг муҳим ғалабасини тантана қилди.

«Ювентус» Буффонинг навбатдаги натижаси билан ёдда қолган «Удинезе»га қарши учрашувда очко йўқотди. Шунга қарамай Аллегри шогирдлари «Рома» билан фарқни 8 очкогача оширишга муваффақ бўлди. Еврокубоклар учун кураш олиб бораётган «Милан» ва «Интер» ҳам бу турда ғалабани тантана қилишди.

Йўлга тушиб олган «немис машинаси»
Шу пайтгача «Бавария» рақибларига истаганча имконият берди. Лекин энди буёғига жамоани тўхтатиб бўлмай қолди. «Лейпциг»нинг очко йўқотиши Карло Анчелотти жамоасини чемпионликка янада яқинлаштирди.

«Боруссия» эса «Байер» устидан қозонилган йирик ғалаба эвазига «Лейпциг» билан орадаги фарқни янада қисқартирди. Дортмунддаги мағлубият эса леверкузенликлар раҳбариятини «сабр косасини тўлдирди» ва бош мураббий Рожер Шмидт истеъфога чиқарилди.

Ҳаёт-мамот жангидан олдинги ажойиб репетиция
«Барселона» евромавсумнинг энг муҳим ўйини олдидан «Сельта»ни қабул қилиб ажойиб репетиция ўтказиб олди. «Спортинг»га уч кун муқаддам 6та гол урган каталонияликлар бу сафар «Сельта» дарвозасига жавобсиз бешта тўп йўллади. Энг қизиғ бўлажак ўйинда «ПСЖ»ни мусобақадан чиқариб юбориш учун айнан шундай ҳисоблар керак бўлади. Савия борасида жамоаларни солиштириб бўлмасада, Энрикени энг кўп уйлантирган ўйин олдидан репетиция муваффақиятли амалга ошди.

«Реал» эса Роналду ва Бэйлсиз яхшироқ ўйнашини кўрсата олди. «Атлетико» яна Гризманн ёрдамида кучли тўртликдаги ўрнини сақлаб қолди. Аммо «Вильярреал» ва «Реал Сосьедад» уларни изма-из таъқиб қилишни давом эттирмоқда.

Ҳайратланарли «Монако» ва қийналаётган рақиблар
Францияда «Монако» барчани ҳайрат кўчасига етаклашда давом этмоқда. Бу сафар «Нант»ни савалаган Жардим шогирдлари. Чемпионат тугашига 10-тур қолганида жамоанинг бутун бошли тарихидаги рекордларини янгилаб ташлади. Жамоанинг 18 ёшли ҳужумчиси Килиан Мбаппе эса ўспиринлик давридаёқ ақлбовар қилмас натижаларни қайд этишда давом этмоқда.

«ПСЖ» ва «Ницца» ҳам пешқадамдан ортда қолмаётган бўлсада, лекин катта қийинчиликларга дуч келганини кўришимиз мумкин. Парижликлар Каванининг сўнгги дақиқаларда пенальтидан киритган голи билан ғалаба қозонган бўлса, «Ницца» меҳмонда кичик ҳисобда муваффақиятга эришди. «Лион» эса ЕЧЛ йўлланмаси учун курашдан бутунлай чиқиб кета қолди.

Шунингдек бу ҳафтада Россияда ҳам тур учрашувлари старт олди. Дастлабки тўртта жамоа ўзаро ўйинларида ғолиб аниқланмади. Виталий Денисов тўп сураётган «Локо» эса баҳорги мавсумни йирик ҳисобдаги ғалаба билан бошлади.

Ҳафта охири шу каби воқеаларга бой бўлди. Келаётган ҳафтада еврокубоклар яна старт олади. Ҳафта охирига бориб бизни яна миллий чемпионатдаги қизиқарли курашлар кутмоқда. Бир сўз билан айтганда футбол мухлисларига зерикиб қолиш учун сабаб топилмайди.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 18438 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 39551 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 151477 Жамият
Кун.uz офис изламоқда
15:48 / 06.08.2017 43329 Lifestyle
ОАВ: Британия махсус хизматлари WannaCry вирусини тўхтатган дастурчи ҳибсга олинишини аввалдан билган
18:17 0 Жаҳон
NASA 5 ёшли боланинг мактубига жавоб йўллади
Пауэрлифтинг бўйича жаҳон чемпиони Андрей Драчёвнинг ўлдирилишига оид видео пайдо бўлди
18:00 801 Жамият
Ҳасан Руҳоний: Эрон учун ядро келишувини сақлаб қолиш устувор
17:55 232 Жаҳон
Барселонадаги терактга алоқадор сўнгги гумондор ҳамон қидирилмоқда
17:50 251 Жаҳон
Видео: Голни нишонламоқчи бўлган «Ҳамбург» футболчиси жароҳат олиб, 7 ойга сафдан чиқди
17:48 840 Спорт
Кўпроқ янгиликлар