Ўзбекистонда 1 апрелдан янги акциз маркалари муомалага киритилади

Ўзбекистон 06 Март 2017 18373

Ўзбекистонда 2017 йил 1 апрелидан бошлаб алкоголли ва тамаки маҳсулотлари учун янги намунадаги акциз маркалари муомалага киритилади, эскилари бекор қилинади.  

У Вазирлар Маҳкамасининг 2017 йил 27 февралдаги «Алкоголли маҳсулотларга ва тамаки маҳсулотларига янги намунадаги акциз маркаларини жорий этиш тўғрисида»ги қарорига мувофиқ жорий этилади. Қарор алкоголли маҳсулотлар ва тамаки маҳсулотлари ноқонуний ишлаб чиқарилиши ва сотилишига йўл қўймаслик юзасидан назоратни янада кучайтириш мақсадида қабул қилинган. Қарорнинг тўлиқ матни Lex.uz сайтида эълон қилинган

Унга кўра, алкоголли маҳсулотлар ва тамаки маҳсулотларига елимланадиган акциз маркаларининг янги дизайни Ўзбекистон Республикаси Молия вазирлиги, Давлат солиқ қўмитаси, Давлат божхона қўмитаси ва «Давлат белгиси» давлат-ишлаб чиқариш бирлашмаси томонидан ишлаб чиқилади ва тасдиқланади. 

Таъкидланишича, янги намунадаги акциз маркалари амалиётга киритилганидан 9 ой ўтгач, эски намунадаги акциз маркаларига эга барча алкоголли ва тамаки маҳсулотлари маркаланмаган деб ҳисобланади ва қонунда белгиланган тартибда олиб қўйилади. 

Ўзбекистон Республикаси Давлат солиқ қўмитаси ва Давлат божхона қўмитаси 2018 йил 1 январдан бошлаб эски намунадаги акциз маркалари билан маркаланган алкоголли маҳсулотлар ва тамаки маҳсулотларини аниқлаш, уларнинг олиб кирилиши, ишлаб чиқарилиши ҳамда улгуржи ва чакана савдо тармоғида сотилишининг олдини олиш, шунингдек ушбу маҳсулотларни белгиланган тартибда олиб қўйиш чора-тадбирларини кўра бошлайди. 

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига янги намунадаги акциз маркалари жорий этилиши тўғрисидаги ахборотни алкоголли маҳсулотлар ва тамаки маҳсулотлари ишлаб чиқарувчилар ва савдо ташкилотлари эътиборига етказиш вазифаси юкланган. 

Ушбу қарор ижросини назорат қилиш Бош вазир ўринбосари Рустам Азимов зиммасига юклатилган.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 17207 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22368 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11360 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12229 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40582 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52947 Жамият
Кун.uz офис изламоқда
15:48 / 06.08.2017 47756 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 577 Жаҳон
Қатар зиёратчиларнинг Саудияга парвозларини блокламоқда
15:35 1096 Жаҳон
Кўпроқ янгиликлар