Евроосиё иқтисодий иттифоқига аъзо-давлатлар ҳукумат раҳбарлари 10та ҳужжатни имзолашди

Жаҳон 07 Март 2017 4154
Фото: РИА "Новости"

Евроосиё иқтисодий иттифоқига аъзо давлатлар ҳукумат раҳбарлари Бишкекда Евроосиё ҳукуматлараро кенгаши йиғилиши якуни бўйича ўнта ҳужжатни имзолашди. Улар интеграция бирлашиши доирасидаги ҳамкорликни чуқурлаштиришга йўналтирилган, деб хабар бермоқда РИА Новости.

Йиғилиш Бишкек шаҳри яқинидаги “Ала-Арча” давлат қароргоҳида ўтказилган. Унда Россия, Қозоғистон, Беларусь, Арманистон, Қирғизистон бош вазирлари Дмитрий Медведев, Бакитжон Сагинтаев, Андрей Кобяков, Карен Карапетян, Сўронбой Женбеков ва Евроосиё иқтисодий комиссияси коллегияси раиси Тигран Саркисян иштирок этди.

Хусусан, беш давлат ҳукумат раҳбарлари “Антиконтрафакт” халқаро форумини ўтказишга келишиб олишди, Евроосиё иқтисодий иттифоқида интеграция истиқболига эга бўлган иқтисодиёт соҳалари ва уни ишлатишга йўналтирилган чоралар аниқланди.

Шунингдек ЕОИИга аъзо-давлатлар ўртасида 2015-2016 йиллар бўйича ўзаро савдо ҳолати ҳақидаги, Евроосиё иқтисодий иттифоқининг 2025 йилгача рақамли кун тартибини амалга оширишнинг асосий йўналишларига тайёргарлик кўриш бўйича ишларнинг бориши, агросаноат мажмуаси ривожланишининг биргаликдаги прогнозлари, ЕОИИ аъзоларининг асосий қишлоқ хўжалик маҳсулотлари бўйича таклиф ва талабларига оид ҳужжатларга имзо чекилди.

Бундан ташқари, ҳукуматлараро кенгашда Иттифоқ давлатларида учинчи мамлакатларда ишлаб чиқарилувчи машиналар ва қишлоқ хўжалиги ускуналарига мўлжалланган ўхшаш эҳтиёт қисмлари ишлаб чиқаришни ташкил этиш, учинчи давлат бозорларига қишлоқ хўжалиги машиналари ва ускуналари экспортини ривожлантириш бўйича чоралар ҳақидаги ҳужжатлар кўриб чиқилди ва маъқулланди.

Евроосиё иқтисодий иттифоқи – Божхона иттифоқи ва Ягона иқтисодий ҳудуд асосида ташкил этилган халқаро иқтисодий интеграция бирлашмаси бўлиб, 2015 йилнинг 1 январидан ўз фаолиятини олиб боради. Айни дамда ЕОИИга Россия, Арманистон, Беларусь, Қозоғистон ва Қирғизистон аъзо саналади.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 43878 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 61330 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34031 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19237 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 73521 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59820 Жамият
Навоий вилоятида қўшмачи эркак қўлга олинди
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Араб коалицияси Ямандаги меҳмонхонага авиазарба берди
16:35 304 Жаҳон
Кўпроқ янгиликлар