Шимолий Корея ҳукумати Малайзиянинг мамлакатдаги фуқароларига вақтинча КХДРдан чиқиб кетишни тақиқлади. Бу ҳақда Корея марказий телеграф агентлиги хабар қилди. 

Пхеньян маъмурияти бу қадамини Малайзиядаги ўз фуқаролари ва дипломатларининг хавфсизлиги ҳақида қайғуриш дея баҳолади. Шу билан бирга, мамлакатдаги Малайзия элчихонасини бундан огоҳлантирган. 

Бундан аввалроқ, Малайзия ва КХДР томони 48 соат мобайнида элчиларга мамлакатни тарк этишларига кўрсатма берган эди. 

Шу билан бирга, Малайзия ҳам КХДР ҳукуматининг сўнгги қарорига жавобан мамлакатдаги шимолий кореяликларнинг чиқиб кетишини тақиқлади. 

Бу ҳақда мамлакат ИИВ Аҳмад Зоҳид Ҳамидий баёнот берган.