ОАВ: Дональд Трамп Россия билан муносабатларда «тўнини тескари кийиб олди»

Жаҳон 07 Март 2017 18275

АҚШ президенти Дональд Трамп маъмурияти кутилмаган тарзда Россия билан муносабатларда қаттиққўл сиёсат юрита бошлади. Бу чоралар эса Европадаги иттифоқчилар томонидан олқишланмоқда. Бу ҳақда The Wall Street Journal хабар ёзган.

Нашрнинг ёзишича, Трампнинг сайловдаги ғалабаси «Россиядагиларга хурсандчилик келтирган, Европада эса ташвиш уйғотганди». Аммо энди барчаси ўзгарган.

«Сайловолди кампанияси ва ҳокимиятнинг Трамп қўлига ўтиши жараёни вақтида Россия ҳақида юмшоқ оҳангда гапирилаётган, НАТО ва иттифоқчилар манзили томон эса танқидлар ёғилаётганди. Аммо Трамп вазифасини бажаришга киришгач, у ўзига Кремль билан муносабатларда кескинлик тарафдори бўлган бир қатор шахсларни ўзига ёрдамчи қилиб тайинлади. Аввалига президент улар билан ҳамфикр эмасдек кўринаётганди. Лекин кейинги вақтларда Трамп НАТОни қўллаб-қувватлаш ҳақида кўпроқ гапира бошлади, хусусан, ўтган ҳафтада АҚШ конгрессидаги мурожаатида», — дейилади нашр хабарида.

WSJ нашрида ёзилишича, Москва билан муносабатларда кескин танқидлар Трампнинг Европа ва Россия  масалалари бўйича маслаҳатчиси бўлиши кутилаётган Фион Ҳилл томонидан ҳам билдирилмоқда.

Нашрнинг баҳолашича, «ҳокимият янги кучлар қўлига ўтгач, вазият кутилмаган йўналишда ўзгарди ва эндиликда бу ҳолат Россияда тревога юзага келтириб, Европада хурсандчиликлар билан кутиб олинмоқда».

Мақолада ёзилишича, Вашингтон европалик дипломатларни Шарқий Европа давлатларини, хусусан Украинани қўллаб-қувватлашни давом эттиришига ишонтирган.

«Биз ягона позиция бўйича жадал ҳаракатланмоқдамиз. Энди ҳеч ким АҚШ Россия билан йирик битим тузиши ҳақида ўйламаяпти», — дея номини сир тутишни истаган европалик дипломатлардан бирининг сўзларини келтирган WSJ.

Нашрнинг қайд этишича, экспертлар ҳозирча Трампнинг «ҳақиқий ниятлари»ни била олишмаяпти. У бунгача Россия билан келишиб ишламоқчи экани ҳақида билдириб келаётганди.

NBC News телеканали ва Wall Street Journal газетаси ўтказган сўровномаларга кўра АҚШ фуқароларининг 38 фоизи америкаликлар президенти ва Россия раҳбари муносабатлари «ҳаддан ташқари дўстона» деб ҳисоблайди. Яна 29 фоиз киши бундай фикрга қўшилмайди. Қўшма Штатлар аҳолисининг учдан бири — 32 фоизи эса бу борада муносабат билдиришни истамаган. 

Яна бир сўровномага кўра эса америкаликларнинг тўртдан уч қисми Россия томонидан таҳдид мавжуд деб билиши маълум бўлганди.

Кун янгиликлари
1 июндан бошлаб "GM Uzbekistan" барча автомобиллари сўмда сотилиши йўлга қўйилади
20:11 / 27.05.2017 141127 Технология
Ҳафталик: Мирзиёев сафарлари ва қарорлари, "Ахборот"нинг сўнгги кунлари, GM автомобилларининг ўзгарадиган нархи ва қарз ундирувчи янги бюро
19:36 / 27.05.2017 50975 Ўзбекистон
Мустақиллик шоҳ кўчасида йўлни ажратиб турувчи металл тўсиқлар олиб ташланди (фото)
17:34 / 27.05.2017 48955 Ўзбекистон
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 145031 Жамият
Манчини "Зенит" билан шартнома имзолагани Москвага йўл олди
00:57 57 Спорт
Канн кинофестивалининг бош совринини швециялик режиссёр олди
"СКА-Хабаровск" Россия премьер-лигасига йўл олди, "Арсенал" эса унда ўрнини сақлаб қолди
00:27 227 Спорт
Луиш Фигу Месси ва Рональду, "Барса" ва "Реал" ҳақида
23:43 / 28.05.2017 2625 Спорт
Қатор давлатларга Ўзбекистондан янги элчилар тайинланди
23:23 / 28.05.2017 2279 Ўзбекистон
Матьё "Барселона"дан кетишини маълум қилди
22:38 / 28.05.2017 1769 Спорт
Кўпроқ янгиликлар