Россиялик таниқли кино ва театр актёри, режиссёр Дмитрий Дюжев актёрлар Раъно Шодиева ҳамда Карим Мирҳодиев билан 4-5 февраль кунлари Ўзбекистон давлат санъат ва маданият институтининг биринчи босқич талабаси Мухлиса Азизованинг ишчи номи «У» («Она») бўлган фильмида суратга тушгани ҳақида хабар берган эдик.

Куни кеча “Ўзбеккино” миллий агентлигининг Facebook'даги расмий саҳифасига Дмитрий Дюжев иштирокидаги “У” номли қисқа метражли фильмни суратга олиш жараёни ҳақидаги видеоролик жойланди

Мазкур қисқа метражли фильм 70 маротаба ўтказиладиган Халқаро Канн кинофестивалида иштирок этади.

Маълумот ўрнида: Мухлиса Азизова «Геолог: Ўлимдан кучли» деб номланган фильмнинг лойиҳа муаллифи ҳамда «Тинчлик соҳили» деб номланган қисқа метражли фильмнинг постановкачи режиссёри сифатида яхши танилган.

“HD CINEMA”кинокомпанияси фильмни суратга олиш учун Ўзбекистон Республикаси илмий-оммабоп ва ҳужжатли фильмлар киностудияси павильонида фильм учун махсус декорация ҳозирланди.

54 кишидан иборат катта жамоа икки кун мобайнида, узвий давомийлиги 15 дақиқага яқин давом этадиган ишчи номи «У» («Она») бўлган фильмни суратга олиш ишларини якунлашди.

Дмитрий Дюжев фильм сценарийси, мавзусидан тортиб, токи ижодий жамоанинг фаоллиги, юқори даражадаги ташкиллаштирилган ташкилотчилик ишларини алоҳида эътироф қилди.

Фильмнинг лойиҳа ҳамда ғоя муаллифи Абдужамил Содиқов, сценарий муаллифлари Дилмурод Масаидов, Мансур Васати. Оператор Дилмурод Турдибоев, продюсер Ойбек Абдушукуров.

Фильмни овозлаштириш ва монтаж ишлари Москва шаҳрида бўлиб ўтиши режалаштирилган.