Термизда Республика ихтисослаштирилган урология маркази филиали ташкил этилади

Ўзбекистон 07 Март 2017 3668
Фото: rscu.uz

Сурхондарё вилоятида Республика ихтисослаштирилган урология марказининг вилоят филиали ташкил қилинади. Бу ҳақда «Кун.uz» сайтига Соғлиқни сақлаш вазирлиги матбуот хизмати хабар берди.

Ушбу филиал замонавий даволаш-диагностика асбоб-ускуналар билан жихозланган 40 ўринли ва 10та «Сунъий буйрак» аппарати мавжуд бўлган гемодиализ бўлимига эга бўлади.

Республика ихтисослаштирилган урология маркази директори Фарҳод Оқиловнинг маълумот беришича, Сурхондарёда урология хизмати вилоят кўп тармоқли тиббиёт маркази урология ва туман тиббиёт бирлашмаларидаги хирургия бўлимларида ташкил этилган. Қайд этилган тиббиёт мауссасаларининг моддий-техника базаси паст даражада бўлиб, фаолият кўрсатаётган кадрлар малакаси замонавий талабларга жавоб бермайди. Шу сабабли 2016 йил Республика ихтисослаштирилган урология марказида даволанган 27000 нафардан ортиқ беморнинг 2711 нафари (10 фоиздан зиёди)ни Сурхондарё вилоятидан келган беморлар ташкил этди. Уларнинг аксарияти, касалликнинг асоратланган даврида мурожаат қилган.

«Ҳозирги кунда вилоятда урологик ва гемодиализ ёрдами сифатини ошириш, ундан фойдаланиш имкониятини кенгайтириш, урологик ёрдамнинг барча босқичларида фаолият кўрсатаётган тиббиёт ходимларининг салоҳиятини ошириш, шунингдек, асоратланган урологик касалликлар туфайли юзага келган буйрак етишмовчилигининг олдини олиш ва ўлим кўрсаткичларини камайтириш мақсадида Республика ихтисослаштирилган урология марказининг Сурхондарё вилоят филиалини ташкил қилиш режалаштирилмоқда», дейилган хабарда.

Шу билан бирга, юқори малакали маҳаллий кадрлар мактаби яратилиши ҳисобига, аҳолига ихтисослаштирилган ёрдам кўрсатиш, урологик касалликларни эрта босқичда аниқлаш имкони пайдо бўлади.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 53612 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65571 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 161197 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 26952 Жамият
Россияда террорчилар учун асосий нишон нима экани айтилди
18:26 28 Жаҳон
Сурия АҚШ ва Британияни террорчиларга заҳарли моддаларни етказиб беришда айблади
18:24 45 Жаҳон
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
18:11 480 Жамият
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 959 Жаҳон
Кун фотоси: Озодбек Назарбеков Бишкекдаги ҳукуматлараро комиссияси мажлисида
Кўпроқ янгиликлар