Тиббиёт муассасалари ходимлари қоғозбозлик ишларидан қутулади

Ўзбекистон 07 Март 2017 45931

Ўзбекистон Республикаси Соғлиқни сақлаш вазирининг «Бирламчи тиббий-санитария ёрдами муассасаларида юритиладиган тиббий ҳужжатларни мувофиқлаштириш тўғрисида»ги буйруғи қабул қилинди. Бундан мақсад бирламчи тиббий-санитария ёрдами муассасалари ходимлари иш самарадорлигини янада ошириш ҳисобланади.

Буйруққа кўра, бирламчи тиббий-санитария ёрдами муассасалари, яъни кўп тармоқли марказий поликлиникалар, оилавий поликлиникалар ва қишлоқ врачлик пунктларида юритиладиган журналлар  100тадан 20тагача қисқартирилди.

Ўзбекистон Республикаси Соғлиқни сақлаш ахборот хизматининг «Кун.uz»га маълум қилишича, тиббиёт ходимининг асосий вазифаси ҳужжат тўлдириш эмас, аҳоли билан кўпроқ мулоқот қилиб, касалликларнинг олдини олиш, даволашдир.

Соғлиқни сақлаш вазирининг ушбу буйруғи бирламчи тиббий-санитария ёрдами муассасалари ходимларининг ҳужжат тўлдиришдан кўра аҳоли билан кўпроқ мулоқот қилишини таъминлаш, профилактик ишлар самарадорлигини янада ошириш мақсадида қабул қилинди. Мазкур буйруқ февраль ойидан кучга кирди ва шу муносабат билан, вазирликнинг бир қатор буйруқлари ўз кучини йўқотди.

«Соғлиқни сақлаш тизимида олиб борилаётган ислоҳотлар самарадорлигига тўлдирилиши лозим бўлган тиббий ҳужжатларнинг кўплиги сезиларли таъсир кўрсатаётган эди. Мисол учун, бирламчи тиббий-санитария ёрдами муассасаларида юзга яқин тиббий ҳужжатлар юритилар, бу эса тиббиёт ходимини амалий ишдан кўра ҳужжат тўлдиришга кўп вақт сарфлашига олиб келарди», дейилган вазирлик хабарида. 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 22139 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 11647 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 81924 Ўзбекистон
ФИФА йил футболчиси бўлиш учун асосий даъвогарлар рўйхатини эълон қилди
20:19 7 Спорт
Япониядаги барда маймунлар официантлар сифатида ишламоқда
20:06 345 Жамият
Конте Белотти трансферини истамоқда, Абрамович бунга қарши
20:06 228 Спорт
Самарқандда ёшлар ташаббуси билан намунали тўй бўлиб ўтди (фото)
20:05 2021 Жамият
Turkish Airlines рейси йўловчиси комага тушиб, самолётда жон берди
19:58 589 Жамият
ФИФА йилнинг энг яхши мураббийлиги учун даъвогарлар номини эълон қилди
19:54 1339 Спорт
Нобель мукофотининг энг ёш совриндори Оксфорд университетига ўқишга кирди
19:50 1069 Жамият
Кўпроқ янгиликлар