«Атлетико» Мадрид ҳужумчиси Антуан Гризманн Испания қироллик футбол федерацияси мусобақаларни ташкиллаштириш қўмитаси томонидан жазога тортилди.

As манбаси берган хабарга кўра, футболчи «Валенсия»га қарши учрашувда (3:0) киритган голни нишонлашда амалга оширган ҳаракати учун жазога тортилган. 

Гап шундаки, футболчи гол киритгач, уни туғилган кунини нишонлаётган севгилисига бағишлаган ва футболкасидаги ёзувни оммага намойиш этган ҳолда, ўз тилакларини йўллаганди. Буни ташкилот тартиб интизом қоидаси кўрсатилган талабларга зид деб топилди ва футболчига 3 минг евро миқдорида жарима ва кечиктирилган сариқ карточка билан жазоланди.

«Жарима ва сариқ карточка, ҳаммаси севгилимни табриклаганим учун… Энг қизиғи барчаси уч кун ўтгач содир бўлмоқда. Бошқа ишлар билан шуғулланинг», – дея ёзган Гризманн ўзининг ижтимоий тармоқлардаги саҳифасида.