8 mart tongida Afg‘oniston poytaxti Kobul shahrida portlash ro‘y berib, otishma sodir bo‘ldi. Bu haqda Reuters agentligi xabar tarqatdi.
Hodisa AQSh elchixonasi binosidan uzoq bo‘lmagan hududda ro‘y bergan.
TOLOnews xabariga ko‘ra, hujum qiluvchilar hududdagi harbiy shifoxonaga bostirib kirmoqchi bo‘lishgan. Oqibatda hukumat kuchlari va jangarilar o‘rtasida otishma boshlangan.
Tibbiyot muassasalari trevoga e'lon qilgan.
Hodisaning boshqa tafsilotlari hozircha ma'lum emas.
