Кобул шаҳридаги ҳарбий госпиталга кириб олган бир неча жангари одамларни ўққа тутган. Reuters хабарига кўра, ҳужум оқибатида 2 киши ҳалок бўлган.

Бундан олдинроқ Кобулдаги ҳарбий касалхона яқинида портлаш содир бўлгани, хавфсизлик хизмати ходимлари ва жангарилар ўртасида отишма бошлангани хабар қилинганди.

Ҳарбий госпитал ходимлари агентликка берган маълумотда айтилишича, муассаса ҳудудида оқ халат кийган жангари беморлардан бирини ва касалхона ходимини отиб ташлаган. Госпиталнинг бошқа чеккаларида ҳам отишма овозлари янграган.

Айни вақтда шифохона ҳудуди махсус кучлар томонидан ўраб олинган. Ҳозирча бу ҳужум учун жавобгарликни ҳеч бир ташкилот ўз зиммасига олгани йўқ.