Самарқандда пул “иси”ни олган ўғри ушланди

Жамият 08 Март 2017 8455

Атроф ғира-шира бўлиб, энди тун чўкаётган маҳал эди. Қаердандир келаётган Ҳасаннинг ёнидан икки киши сумка кўтариб ўтди, деб ёзади “Ҳуқуқ” газетаси.

-  Бу ерда қанча? – деди бири.
-  Ўн беш миллион сўм.

Улар шу йўл четида турган “Кобальт” автомашинасига яқинлашди. Сумкаларнинг машинанинг орқа ўриндиғига жойлаштиришди. Бири машинага ўтирди. Иккинчиси хайрлашиб ортга қайтди. Пулнинг дарагини эшитган Ҳасаннинг хаёли бузилди. У зумда бу пулларни ўғирлашни мақсад қилди. Шоша-пиша такси тўхтатди.

-  Мана шу “Кобальт”нинг ортидан ҳайданг, - деди.
-  Нега унинг ортидан? – ҳайдовчи ҳайрон бўлди.
-  Қарзи бор эди, бермай юрибди, уйига бориб сўрамоқчиман.

Улар ҳеч нарсадан бехабар Далернинг ортидан кузатиб келишаверди. Шаҳардан чиқиб, кўча четида тўхтаган “Кобальт” ҳайдовчиси дўконга кириб кетди.

Таксини тўхтатган Ҳасан унга “кетаверинг” деб имо қилди. Ўзи атрофни кузатиб, машинанинг орқа ойнасига куч билан урди. Ойна сингач, орқа ўриндиқда турган сумкани олиб, воқеа жойини тарк этди.

Бироздан кейин чиққан Далер қараса, машинасининг ойнаси синган, пул эса йўқ эди. Дарҳол ички ишлар ходимларига хабар қилди.

Ҳасан уйига етиб келиб пулларни санаб, ширин хаёллар сурди. Бироқ унинг қувончи узоққа чўзилмади. Ички ишлар идораси ходимлари унинг бармоқ изларидан шахсини аниқлаб, дарҳол қўлга олишди.

Суд аввал ҳам икки бор жазога тортилган Ҳасан Атаевнинг қилмишига яраша жазо тайинлаб, ҳукм ўқиди. 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 97410 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 47041 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52000 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9459 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20247 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 877 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 340 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1382 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 1945 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 879 Жаҳон
Кўпроқ янгиликлар