Туркия ТИВ раҳбари Мавлуд Човушўғли Германияда Туркияга нисбатан аксилислом кайфият ва душманона муносабат кузатилаётганини қоралашини маълум қилди.

«Биз Германияда кўплаб сиёсатчилар ва нашрлар Туркия билан муносабатларда жуда ва жуда негатив кайфиятдалиги, бу мамлакатга ўта танқидий муносабатда бўлаётганини кўриб турибмиз. Биз ҳаттоки исломдан қўрқиш кайфиятларини кўрмоқдамиз. Биз қабул қилиб бўлмайдиган ва жуда хавфли трендга дуч келдик», — деган Човушўғли.

У шунингдек, немис нашрларини Туркияга қарши «қора иғво» қилишни тўхтатишга чақирган.

Вазир Германия Туркияни «дўст ёки дўстмаслиги»ни белгилаб олиши кераклигини қўшимча қилган.