ИШИД террорчилик гуруҳига қарши кураш бўйича дунё мамлакатларининг ҳукумат раҳбарлари ўртасидаги учрашув АҚШ пойтахти Вашингтон шаҳрида бўлиб ўтади. Рейтер агентлиги маълумотига кўра, ушбу учрашув 22-23 март кунларида ташкил қилинади.

АҚШ маъмуриятидаги манбанинг билдиришича, учрашувда 68 мамлакат вакиллари иштирок этади. Унда АҚШ Давлат котиби Рекс Тиллерсон раислик қилади.

Давлат департаменти бу учрашув ҳақида тез орада расман эълон қилиши кутилмоқда.