БАА ҳукумати Украина ва ЖАР фуқароларини ҳибсга олишга қарор қилди. Бунга украиналик аёлнинг ҳомиладор экани сабаб бўлган, деб ёзмоқда Mirror.

Ёшлар Дубайда дам олаётганда 27 ёшли украиналик қиз Ирина Нохай ўзини ёмон ҳис қила бошлаган. Қизнинг жанубий африкалик йигити Эмлин Калверуелл уни шифохонага олиб борган. Таҳлиллар қиз ҳомиладорликнинг дастлабки муддатида эканини кўрсатган. 

Шундан сўнг, тиббиёт ходимлари бу ҳақда ҳукуматга маълум қилган, иш ҳуқуқни ҳимоя қилиш органларига топширилган. Маҳаллий қонунчиликка кўра, никоҳсиз алоқа жиноят ҳисобланади, деб ёзади газета.

Нашрга кўра, Украинанинг БААдаги элчихонаси ёшларнинг турмуш қуришлари ёки депортация қилинишига эришиш учун уринмоқда.