«Барселона» ярим ҳимоячиси Андрес Иньеста Чемпионлар лигаси 1/8 финали доирасидаги «ПСЖ» билан жавоб ўйинининг (6:1) энг яхши футболчиси деб топилди. У УЕФА талқинига кўра энг яхши ўйинчи деб эътироф этилди.

32 ёшли испаниялик майдонда 65 дақиқа ҳаракатланди, иккинчи ва учинчи голлар киритилишида иштирок этиб, жамоага жуда катта фойда келтирди.

Маълумот учун, «Барселона» ЧЛ/ЕЧКда 0:4 ҳисобидаги мағлубиятдан кейин кейинги босқичга чиқа олган биринчи жамоага айланди. Парижликлар билан баҳсдаги умумий ҳисоб – 6:5.