МХХ хорижга 72 минг доллардан ортиқ маблағни олиб чиқиб кетмоқчи бўлган давлат хизматчисини қўлга олди

Жамият 09 Март 2017 31168

Ўзбекистон миллий хавфсизлик хизмати хорижга контрабанда олиб чиқиб кетаётган навбатдаги қонунбузарни қўлга олди.

Sputnik Ўзбекистон мухбири маълумотига кўра, Тошкент шаҳри аэропортида Тошкент-Москва рейси йўловчиларидан бири хавфсизлик хизмати ходимларида шубҳа уйғотган. У Россияга почта олиб кетаётган Ўзбекистон давлат фельдъегер хизмати милиция капитани, 48 ёшли Дилшод Шомуқимов экани аниқланган.

«Текширув чоғида Шомуқимовнинг курткаси ички чўнтагидан 35 минг доллар, бел қисмидан ҳам 35 минг доллар, галстуги орасидан 4,3 минг россия рубли ва 2,5 минг доллар, курткасининг пастки чўнтагидан 100 доллар топилди. Бундан ташқари, милиция капитани ёнидан Beeline ва Ucell компанияларининг 450та сим-картаси чиқди. Валюта ва сим-карталар божхона декларациясида кўрсатилмаган», — деган МХХ вакили.

Шомуқимовдан процессуал тартибда жами 72,6 минг доллар, 4,3 минг россия рубли ва 450 дона сим-карта мусодара қилинган. Ушбу ҳолат юзасидан МХХ органи томонидан Ўзбекистон Республикаси Жиноят кодексининг тегишли моддалари бўйича жиноят иши қўзғатилган.

Қайд этиш керакки, бугунги кунда жиноят олами вакиллари тақиқланган юклар контрабандасида самолётлардан фойдаланиши одат тусига кирган. Аэропорт ва самолётларга террорчилик ҳужумлари хавфи ҳам ортиб бормоқда.

Ўзбекистон Миллий хавфсизлик хизмати маҳаллий ва хорижга қатновчи самолётлар хавфсизлигини таъминлаш учун тегишли чораларни олиб бормоқда. 

МХХ шунингдек, аэропортлар орқали товар-моддий бойликлар, хорижий валюта, қимматбаҳо металлар, заргарлик буюмлари ва дори-дармонларнинг ноқонуний олиб ўтилишига қарши муваффақиятли кураш олиб бормоқда, гиёҳвандлик ва психотроп моддалар ташувининг олдини олмоқда.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 16652 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 69061 Жамият
Кун.uz офис изламоқда
15:48 / 06.08.2017 37461 Lifestyle
"Реал" Испания Суперкубоги соҳиби!
04:08 6022 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 2386 Жаҳон
Саакашвили Украинага қачон қайтишини маълум қилди 
01:15 3037 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар