Тошкентда 31 мактаб ва 5 коллеж ўқувчилари “Синий кит” ўйини иштирокчилари

Жамият 09 Март 2017 74072

Бугунги кунда ёшлар ва вояга етмаганлар томонидан содир этилаётган ҳуқуқбузарлик ва жиноятчилик, энг ачинарлиси, уларнинг Интернет ижтимоий тармоқларида оммалашиб бораётган “Синий кит” ва бошқа шу каби ўз жонига қасд қилиш даражасигача олиб борувчи ўйинларга кириб кетаётганлиги барчани ташвишга солмоқда.

Тошкент шаҳар ички ишлар идоралари томонидан олиб борилаётган “Давомат” тадбирлари давомида ҳар бир ўқувчи-ёшларнинг уяли телефон аппарати текширилганда, 31та мактаб ва 5та коллеж ўқувчилари “СИНИЙ КИТ” ўйини иштирокчиларига айланганлиги аниқланди. Тошкент шаҳар ИИББда ўтказилган матбуот брифингида ИИББ бошлиғи ўринбосари Дониёр Тошхўжаев шу ҳақда маълум қилди.

Бу каби ўйинларга илакишиб қолган ўқувчиларнинг ота-оналари иштирокида профилактик суҳбатлар ўтказилди, уларга малакали психологлар бириктирилиб, кузатув остига олинди. Ҳозирги кунда барча вояга етмаганлар ўртасида бундай салбий ҳолатларнинг олдини олиш борасида барча таълим муассасаларида сайёр учрашувлар ўтказилиб келинмоқда.

Бундай салбий ҳолатларни олдини олиш мақсадида таълим муассасаларидаги давомадлар, ўқувчи ва талабалар томонидан дарс жараёнларини ўзлаштириб бориш ҳолатини ўрганиш мақсадида, пойтахт ҳудудидаги 322та мактаблардан 26тасида, 78та коллеж ва 41та лицейлардан 18тасида “Давомат” тадбирлари ўтказилди.

Хусусан, 9 март куни Тошкент шаҳар Яшнобод туманида бўлиб ўтган профилактика тадбирларида Кун.uz сайти мухбири ҳам бевосита иштирок этди. Жумладан, Яшнобод тумани “Меҳмонхона хўжалиги” коллежида ўтказилган “Давомат” тадбири гувоҳи бўлди.

Аммо, таълим муассасаларининг ўқувчи ёшлари, уларнинг ота-оналари ўртасида олиб борилаётган тушунтириш ва профилактика тадбирларига қарамасдан 217 нафар мактаб, 306 нафар коллеж, 27 нафар лицей ўқувчилари турли сабабларга кўра дарс машғулотларида қатнашмаётганлиги аниқланди.

Бундай ҳолатларнинг олдини олиш мақсадида, 69 та таълим муассасаларида ўқитувчи ва мураббийлар, ота-оналар иштирокида сайёр муҳокамалар ўтказилди, 27 нафар ота-оналарга нисбатан маъмурий таъсир чоралари кўрилди. 

Кун янгиликлари
Ўзбекистон ҳафталиги: Президентнинг водий сафари, овозаси чиққан 11 йиллик таълим, ўзбеклар ҳалок бўлган бахтсиз ҳодиса ва бошқа хабарлар
22:41 / 25.06.2017 27457 Жаҳон
Қобил қори Одилжон ўғли: “Ҳайит мотам эмас, хурсандчилик кунидир”
17:44 / 25.06.2017 42494 Жамият
Хитой стартапи 8 минг долларлик электромобиллар сотишни бошлайди
Эрон исботланган газ захиралари бўйича етакчилик қилмоқда
Нега автосаноатимиз ўз аравасини ўзи тортолмай, ҳукумат ёрдами билан судралиб келмоқда?
20:41 10443 Жамият
Канадада бир миллион километрдан кўпроқ йўл босган Porsche 911 топилди
Римда II-III асрларга тегишли ёғоч уй топилди
20:05 2561 Жамият
Усмонийлар давлати вақтидаги сув Европа ва АҚШда сотувга чиқарилади
19:17 6733 Жаҳон
Буюк Британия қироллик гвардиясига илк бор аёл киши раҳбарлик қилди
19:09 2648 Жаҳон
Кореяга ишлаш учун илк бора келган ўзбекистонлик мигрантларда тил билиш бўйича жиддий муаммолар мавжуд
19:08 5642 Жамият
Кўпроқ янгиликлар