«Ўзбеккўмир» 690,5 миллион долларлик лойиҳаларни амалга оширади

Иқтисодиёт 09 Март 2017 4709

«Ўзбеккўмир» АЖ 690,5 млн. АҚШ долларилик олтита инвестиция лойиҳасини амалга оширишни режалаштирмоқда, деб хабар беради Uzdaily.uz.

Лойиҳалар 2017-2021 йилларда кўмир саноатини ривожлантириш ва модернизация қилиш дастури доирасида амалга оширилади.

Хусусан, компания қиймати 105,5 млн. доллар бўлган «Шарғункўмир» Акциядорлик жамияти модернизацияси» дастурини амалга ошириш ниятида.

Шунингдек «Ангерен» кони қурилиши» лойиҳасини амалга ошириш режалаштирилган. Лойиҳанинг дастлабки қиймати 165 млн. доллар.

Яна 175,2 млн. доллар «Нишбош» кони қурилиши» лойиҳасига инвестиция қилинади. «Ўзбеккўмир» АЖ «Эскирган ускуналарни алмаштириш» лойиҳасини амалга оширишни режалаштирмоқда. Лойиҳанинг дастлабки қиймати – 170,2 млн. доллар. Ушбу лойиҳа доирасида тоғ-кон технологияси ва ёрдамчи ускуналарини харид қилиш мўлжалланган.

Шунингдек қиймати 15 млн. доллар бўлган «Ўзбеккўмир» АЖ ишлаб чиқариш фаолиятини қўллаб-қувватлаш» ва қиймати 59,6 млн. доллар бўлган «Темир йўл транспорти модернизацияси» лойиҳасини амалга ошириш кўзланган.

Лойиҳалар кўмир соҳаси корхоналарининг ўз маблағлари (155,6 млн. доллар), тижорат банклари кредитлари (155,6 млн. доллар), Ўзбекистон тикланиш ва тараққиёт жамғармаси кредитлари (68,7 млн. доллар) ва Хитойнинг ШҲТ давлатлари учун имтиёзли кредитлари (378,7 млн. доллар) ҳисобидан молиялаштирилади.

«Ўзбеккўмир» АЖ маълумотларига кўра, натижада фойдали қазилмаларнинг юзини очиш ҳажми 2016 йилдаги 21 млн. куб метрдан 2021 йилгача 27,8 млн. куб метрга қадар ошади.

2016 йилда очиқ усулда кўмир қазиб олиш ҳажми 3,6 млн. тоннани ташкил этган бўлса, 2021 йилга келиб бу кўрсаткич 4,17 млн. тоннага қадар кўпаяди.

«Ўзбеккўмир» АЖнинг таъкидлашича, кўмир қазиб олиш умумий ҳажми 2016 йилдаги 3,87 млн. тоннадан 2021 йилга келиб 11,67 млн. тоннага қадар ортади.
  

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 72116 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37430 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21696 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81691 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62041 Жамият
Forbes: Бой бўлишдан уялмаган Малкольм Форбс
01:13 2045 Lifestyle
Зидан ҳеч қандай музокараларсиз «Реал» билан шартномани узайтиради
00:53 1382 Спорт
Бразилияда бортида 70 киши бўлган паром чўкиб кетди
00:20 1155 Жаҳон
Германиядаги йўл-транспорт ҳодисасида 44 руминиялик жабрланди
00:17 489 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 853 Маданият
Кўпроқ янгиликлар