Видео: Линекер, Фердинанд, Жеррард ва Оуэн олтинчи голни жазавага тушиб нишонлади

Британия телевидениесида эксперт бўлиб ишлаётган Англия терма жамоасининг собиқ футболчилари Гари Линекер, Рио Фердинанд, Майкл Оуэн ва Стивен Жеррард ЕЧЛ нимчорак финалида «Барселона»нинг «ПСЖ»дарвозасига киритган ғалаба голини катта қувонч билан кутиб олишди.

«Барселона» биринчи учрашувда 0:4 ҳисобида мағлуб бўлган, 5:1 ҳисоби ҳам уларни қониқтирмас эди. Аммо ўйиннинг 85-дақиқасида фақат 3:1 ҳисобида ғалаба қилиб турган Луис Энрике шогирдлари қолган дақиқаларда 3та гол уриб, керакли натижага эришди. Охирги сонияларда Серхи Роберто урган гол барчасини ҳал қилди.

Ўйинни жонли эфирда кузатиб, шарҳлаб турган собиқ футболчилар кўрсатган реакция видеотасвирида кўриш мумкинки, уларнинг барчаси футболдаги янги мўъжизадан қаттиқ ҳайратланишган. Айниқса, Майкл Оуэн хонани айланиб югурган.