Махфий сўзлар сақловчи 1Password сервисига эгалик қилувчи AgileBits компанияси маълумотлар сақланадиган жойга бузиб кириш учун эълон қилинган танловдаги мукофот жамғармаси миқдорини оширди. Лойиҳадан қандайдир камчилик топган фойдаланувчи аввалига маълум қилинганидек 25 минг доллар эмас, балки 100 минг доллар оладиган бўлди.

Жамоа танлов учун 1Password дастуридаги махсус маълумотлар сақловчи тажриба жойини ташкил қилди ҳамда уни барча фойдаланувчиларга бузиб кириш учун таклиф этди. Мукофот пулини қўлга киритиш учун камчиликни топиб, танлов учун махсус ўйлаб топилган фойдаланувчилар махфий сўзлари лойиҳасини очиш талаб этилади.

AgileBits танлов иштирокчиларига ҳозирча қадар топилган камчиликлар ҳақида маълумот ҳам тақдим этади, бу ҳимояда янги муаммоларни топишда қўл келади.