800 миллион сўмлик божхона тўловларидан бўйин товлаган сохта тадбиркорлар

Жамият 10 Март 2017 9981

Ўзбекистон Республикасида тадбиркорликни ривожлантириш, ишлаб чиқарувчиларни қўллаб-қувватлаш борасида кенг кўламли ишлар амалга оширилмоқда. Хусусан, ташқи иқтисодий фаолият иштирокчиларига божхона соҳасида ҳам қатор имтиёзлар ва қулайликлар жорий қилинган. 

Афсуски, берилаётган имкониятлардан самарали фойдаланиш ўрнига, ўзлари учун эгри йўлини танлаган шахслар ҳам учраб турибдики, республикамиз божхоначилари томонидан уларнинг қинғир қилмишларига чек қўйилмоқда.

Тошкент шаҳар божхона бошқармаси ахборот хизматининг хабар беришича, Тошкент шаҳар божхона бошқармаси ходимлари “Сергели” ташқи иқтисодий фаолият божхона постида олиб кирилган товар-моддий бойликлар учун давлат бюджетига ундириладиган божхона тўловларидан бўйин товлаш мақсадида содир этилган навбатдаги найрангни фош этишди.

Наманган вилоятида рўйхатда ўтган “M.G” масъулияти чекланган жамият вакиллари ушбу ташкилот номига Кореядан юборилган умумий қиймати 1 млрд. 107 млн. сўмлик 320 минг донадан ортиқ бир марталик устараларни божхона юк декларациясида устара учун лезвиелар сифатида қайд қилишгани фош қилинди.

Экспертиза жараёнида маълум бўлишича, уддабуронлар божхоначиларнинг кўзини шамғалат қилиш мақсадида ушбу товарларга тегишли юк-кузатув ҳужжатларидаги ёзувларни ҳам ўзгартиришади. Бу ҳам етмаганидек, жамият суриштирувлар давомида божхоначиларга қалбаки лицензияни ҳам тақдим қилган.

Шу тариқа сохта тадбиркорлар мазкур товарга тегишли ҳақиқий ташқи иқтисодий фаолият товар номенклатура кодларини бошқасига ўзгартириш орқали давлат бюджетига аслида ундирилиши лозим бўлган тахминан 800 млн. сўмлик божхона тўловларидан бўйин товлашган.

Ўзбекистон Республикаси Жиноят кодексининг 182-моддасига мувофиқ корхона мансадбор шахсларига нисбатан божхона ҳужжатлари ҳамда воситаларига ўхшатиб ясалган ҳужжатлардан алдаш йўли билан фойдаланган ҳолда жуда кўп миқдордаги товарларни Ўзбекистон Республикаси божхона чегарасидан ноқонуний ўтказишга уринишгани сабабли жиноий иш қўзғатилди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27480 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14502 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55659 Жамият
«Барселона» энди Ди Марияни сотиб олишга ҳаракат қилади
23:50 4 Спорт
Порошенко Донбассга тинчликпарвар кучлар киритилишини таклиф қилмоқчи
23:48 18 Жаҳон
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 80 Жаҳон
Миробод бозорида пулларни нақдловчи банкомат ишга тушди
23:18 1057 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 810 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 619 Жаҳон
Маошни оширишни қачон сўраган маъқул?
22:47 2070 Lifestyle
Кўпроқ янгиликлар