Чехия полицияси яқин орада Skoda маркасидаги автомобиллардан воз кечиши мумкин. Чехиялик полициячиларга Жанубий Кореянинг Hyundai компанияси автомобиллар етказиб берувчи асосий компанияга айланиши тахмин қилинмоқда. Компания ўтган йил Чехия ички ишлар вазирлиги томонидан автомобиллар сотиб олиш бўйича эълон қилинган тендерда энг паст нархни таклиф қилган ва бунинг эвазига Чехиянинг миллий автомобилсозлик компаниясини тендердан чиқариб юборган. Бу ҳақда Прагадаги юқори лавозимли мансабдор шахс маълум қилган.

"Тендер ҳали якунланмаган, бироқ унинг фаворити Hyundai компанияси эканлиги расман тасдиқланган. Бу компания Чехия полициясига 616 та машина етказиб бериш бўйича шартномани олади. У таклиф қилган нархлар рақобатдан ташқарида бўлган. Skoda полицияга автомобиллар етказиб берувчи ягона компания бўлиб қолишни жуда истаганди, бироқ бунга муваффақ бўла олмади", деб айтган манба. 

Бундан ташқари, Hyundai чехларга турли моделдаги автомобилларни танлаш имкониятини таклиф қилган. Машиналарга сиреналар ва бошқа махсус қурилмалар ўрнатиш режалаштирилган. 

Skoda ўзи томондан Жанубий Корея компанияси таклиф қилган нархларнинг демпинг деб тан олинишига қаратилган "муайян ҳуқуқий қадамларни" амалга оширган, бироқ Чехиянинг антимонопол бошқармаси унинг эътиирозларини асосланмаган деб топган.

Манбанинг маълум қилишича, тендер натижалари икки ҳафта ичида эълон қилинади.