Европа тикланиш ва тараққиёт банки Ўзбекистонга қайтиши мумкин

Иқтисодиёт 10 Март 2017 23586

Европа тикланиш ва тараққиёт банки Ўзбекистон билан ҳамкорликни тиклаш имкониятларини ўрганиб чиқмоқда. Бу ҳақда банкдаги манбасига асосланган ҳолда Reuters агентлиги хабар берган.

Агентлик манбаларининг маълум қилишича, 8 март куни ЕТТБ директорлари кенгаши ушбу масалани кўриб чиққан.

«Бу Ўзбекистон учун яхши сигнал бўлиши мумкин», — деган манбалардан бири.

Март ойи охирида ЕТТБ президенти Сума Чакрабарти Ўзбекистонга ташриф буюриши ва бу ҳамкорлик тикланишидаги муҳим қадамга айланиши мумкин.

Февраль ойининг биринчи ярмида ЕТТБнинг Марказий Осиё ва Россия бўйича ижроий директори Наталья Ханженкова бошчилигидаги делегация Ўзбекистонга ташрифини амалга оширганди.

Банк етакчи мутахассисларидан иборат 10 кишилик делегация Тошкентда 5 кун давомида бош вазир, ташқи ишлар вазири ва бошқа вазирлар билан учрашувлар ўтказди.

Маълумот учун, ЕТТБ Шарқий Европа ва Марказий Осиёдаги постсоциалистик ўлкаларини бозор иқтисодиётига ўтказишда ёрдам бериш мақсадида 1991 йилда таъсис этилганди.

ЕТТБ бугунги кунга қадар Марказий Осиёдаги давлатларга 12 миллиард доллардан кўпроқ сармоя киритган. 1992-2007 йиллар давомида банк Ўзбекистонга киритган сармоя миқдори 1 миллиард доллардан ортиқ бўлган.

Ҳозирги кунда ЕТТБнинг Ўзбекистондаги фаолияти умумий ҳисоби 8 миллион долларлик бор-йўғи 5та лойиҳани қўллаб-қувватлашдан иборат бўлиб қолмоқда.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 19271 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 48787 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 22457 Ўзбекистон
Қозоғистонда ўзбек автомобиллари ишлаб чиқарилиши кенгайтирилиши мумкин
Лотин алифбосидан кимлар қўрқади?
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
Мустақиллик байрами Миллий боғда ўтказилмайди
Samsung Galaxy S9 cмартфони билан боғлиқ баъзи маълумотлар ошкор бўлди
2018 йил ҳосили учун август пиёзи ҳамда тўқсонбости усулида сабзавот экинларини жойлаштиришга доир қарор имзоланди
Полиция Барселона теракти ижрочиси йўқ қилинганини тасдиқлади
22:20 1153 Жаҳон
Кўпроқ янгиликлар