Наманган вилояти ишбилармонлари делегацияси Италияга сафар уюштирди

Ўзбекистон 10 Март 2017 5484

Наманган вилояти ишбилармонлари ва фермерлари делегацияси Италияга сафар уюштирди. Бу ҳақда "Жаҳон" ахборот агентлиги хабар бермоқда. 

Сафар давомида Ўзбекистон делегацияси италиялик ҳамкорлар билан ўзаро тажриба алмашди.

Делегация аъзолари қишлоқ хўжалиги маҳсулотларини сақлаш, саралаш, қайта ишлаш ва қадоқлаш технологияларини ўрганиш мақсадида Италиянинг қайта ишловчи корхоналари иши билан танишдилар.

Делегация, шунингдек, Италия ишлаб чиқарувчилари ва хусусий корхоналари конфедерацияси, "Италия-Ўзбекистон" савдо палатаси ва Zanotti компанияси вакиллари билан музокаралар ўтказдилар

Музокаралар натижаларига кўра, Ўзбекистон компаниялари ва фермер хўжаликларининг таклиф ва эҳтиёжлари асосида италиялик тадбиркорлар билан Наманган вилоятига йилига  4 тонна мева-сабзавот ва гўшт-сут маҳсулотларини қайта ишлаш учун музлатиш ускуналарини етказиш ва ўрнатиш бўйича 5 та баённома имзоланди. 

Томонлар ўрганиб чиққандан кейин имзоланиши кутилаётган яна бешта ҳужжат лойиҳаси тайёрланган. Бу келишувларга кўра 10 тонна маҳсулотни қайта ишлаш ва сақлаш учун мўлжалланган қурилмаларни тақдим қилиш кўзда тутилган. 

Ўзбекистон савдо-саноат палатасининг Наманган вилояти ҳудудий ваколатхонаси томондан италиялик ҳамкорлар билан ҳамкорлик ҳақида меморандум имзоланди. Унга кўра, ўзбекистонлик тадбиркорлар ва фермерларга замонавий агросаноат технологияларини харид қилишда, Италиядаги кўргазмалар ва бизнес-анжуманларда иштирок этишда кўмак кўрсатилади. 

Zanotti компанияси билан Наманганда "Замонавий келажак таълим" ўқув маркази негизида ўзбекистонлик тадбиркорларни қайта тайёрлаш ва малакаларини ошириш бўйича курслар ташкил қилишга келишиб олинди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 8714 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 9116 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9887 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 35212 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51672 Жамият
Пентагон раҳбари Ироққа эълон қилинмаган ташриф билан келди
12:26 40 Жаҳон
ОАВ: АҚШ Хитой фирмаларининг активларини музлатиб қўймоқда
12:24 307 Жаҳон
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
12:13 411 Жамият
Остона жараёни доирасидаги Сурия бўйича янги учрашув Остонада ўтказилмайди
12:10 317 Жаҳон
Тошкент вилояти аграрчилари қишлоқ хўжалиги техникаси билан таъминланади
Кўпроқ янгиликлар