Сеулда мамлакатнинг собиқ президенти Пак Кин Хе тарафдорлари ва унга қарши бўлган кучлар ўртасидаги тўқнашувлар келиб чиқиши давомида икки киши ҳалок бўлди. Бу ҳақда Associated Press хабар тарқатди.

NHK телеканали хабарига кўра, Конституцион суд президентнинг импичменти ҳақидаги қарорини маъқуллагани эълон қилингач, унинг тарафдорлари журналистларга ҳужум қилган ва полиция билан тўқнашган.

Хабар қилинишича, қурбонлардан бири 72 ёшли эркак бўлиб, у суд биноси олдида полиция автобуси остига йиқилиб тушган ва олинган кўплаб жароҳатлар туфайли жон берган.

Иккинчи қурбон шахси ҳақида маълумотлар келтирилмаган.

Шунингдек, намойишчилар журналистларга ҳужум қилиб, уларнинг камераларини синдириб ташламоқда, Япониянинг Киодо агентлиги мухбирларидан бири калтакланган.

Жанубий Корея Конституциявий суди бугун 2016 йил 9 декабрда йирик коррупция можароси фонида мамлакат парламенти томонидан президент Пак Кин Хега нисбатан эълон қилинган импичментни тасдиқлади.