10:15 / 10.03.2017
8271

Shvartsenegger senator bo‘lmoqchi

Hollivudlik aktyor, Kaliforniya shtatining sobiq gubernatori Arnold Shvartsenegger kelajakda AQSh yuqori palatasiga o‘z nomzodini qo‘yishi mumkin, deb xabar bermoqda Politico.

Nashrning Kaliforniyada Respublikachilar partiyasi bilan aloqador bo‘lgan manbalari ma'lumotiga ko‘ra, Shvartsenegger 2018 yilda bu ishni amalga oshirishi mumkin.

Shvartsenegger har doim respublikachilar tarafdori bo‘lib kelganiga qaramay, senator lavozimiga mustaqil nomzod sifatida da'vogarlik qilishi mumkin.

Manbalardan birining ta'kidlashicha, Shvartsenegger AQShning amaldagi prezidenti Donald Tramp siyosiy kursiga qarama-qarshi bo‘lgan dasturni taklif etishi ehtimoli bor.

Aktyorning rasmiy vakili Daniela Ketchell esa “Biz bu maqsadga erishish uchun barcha variantlarni ko‘rib chiqamiz” deya ma'lum qildi.

Top