Швейцариянинг Базель шаҳридаги кафелардан бирида содир этилган отишма оқибатида 2 киши ҳалок бўлди ва бир киши оғир яраланди. Бу ҳақда Tagesan Zeiger нашри хабар бермоқда. 

Гувоҳларнинг айтишича, икки кимса кафега кирган ва улардан бири ёнидан тўппонча чиқариб, кафедаги одамларни ўққа тута бошлаган. Икки жиноятчи ҳам полиция келгунча қочиб кетган, ҳозир улар қидирилмоқдалар.

Кафе атрофидаги ҳудуд ўраб олинган. Шуниси маълумки, криминалистлар ойна ва мебеллар ичидан 6 та ўқни чиқариб олишган. Ҳаммаси бўлиб нечта ўқ узилгани ва ҳужумнинг сабаби ҳозирча номаълумлигича қолмоқда.