Германиянинг шимолий қисми устидан учаётган йўловчи самолёти алоқага чиқмай қўйгач, немис ҳукуматида саросима бошланди. Air India авиакомпаниясига тегишли самолёт авиадиспетчерларга жавоб бермай қўйгач, 5 та атом электростанциясида эвакуация ўтказилди.  

Boeing 787 Dreamliner русумидаги самолёт Венгриядан Буюк Британияга рейс амалга ошираётган бўлган. Унинг бортида 239 йўловчи бўлган. Самолёт Германиядан ўтаётганда 22 дақиқага алоқага чиқмай қўйган. Бу вақт давомида самолётни Чехия, Германия ва Бельгияга қарашли ҳарбий самолётлар навбатма-навбат кузатиб боришган. Spiegel нашри маълумотларига кўра, Германия ҳарбий-ҳаво кучларининг иккита Eurofighter самолёти уни Кёльнгача кузатиб борган.

Германия ҳукумати самолётни террорчилар қўлга олган деб хавотирланган. Бироқ оқибатда самолётда алоқа билан муаммолар юзага келгани аниқланган. Бунга эса техник носозлик ёки қурилмадан нотўғри фойдаланиш сабаб бўлган бўлиши мумкин.

Брокдорф, Брунсбюттель, Гронде, Линген ва Унтервезер коммуналаридаги АЭСлар эвакуация қилинган. Айни вақтда Брокдорфдаги АЭСдан ташқари бошқа станциялар ёпилган ва ишламаяпти.